Ukrainski suchahruz «Bieryks», jaki z 2008 hoda drejfavaŭ u Čornym mory z 230 tonami tuchłaha miasa na borcie, urešcie pryšvartavaŭsia u Adesie, paviedamlaje navinovy resurs «Novyj Riehion».
Karabiel spyniŭsia na stajanku nie ŭ hruzavym porcie, a la pryčała sudaramontnaha zavoda: jon maje prajści pačynku. Ekipaž «Bieryksa» — 8 čałaviek - užo pakinuŭ suchahruz, a trum sudna apiačatany.
Sudna z hruzam miasa vyjšła z hruzinskaha Poci va ŭkrainski Izmaił pry kancy 2008 hoda. Adnak ukrainskija sanitarnyja ŭračy i mytniki admovilisia prapuścić niejakasnuju brazilskuju śvininu i kitajskuju kurycu na terytoryju krainy. Praz hetuju nievykrutku sudna bolš za paŭhoda matlałasia pa Čornym mory, namahajučysia razhuzicca choć dzie, ale ž jaho nichto nie žadaŭ prymać. Ladoŭni na «Bieryksie» złamalisia, i ŭsie 230 tonaŭ miasa pačali imkliva hnić, poŭniačy navakolnaje pavietra niaścierpnym smurodam. Hetaja akaličnaść taksama nie dadała sudnu šancaŭ pryčalić u portach.
Urešcie deputaty adeskaj haradskoj rady źviarnulisia da ŭłaśnika sudna i da ŭładalnika hruza, patrabujučy, kab tyja prynamsi pierabavili na bierah ekipaž. Tyja pahadzilisia: na bort byli dastaŭlenyja pitnaja vada, charčavańnie i paliva, a ŭłady ŭsio ž dazvolili pravieści ramont niepaładak na bierazie.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary