TOP-5 novych vartych prahladu filmaŭ na Netflix, jakija vyjšli na hetym tydni
Na hetym tydni Netflix radavaŭ stužkami z topavymi akciorami i dobrym rejtynham, jakija padyduć dla viačernich prahladaŭ. Rabicie kakavu, nakryvajciesia pledam i vybirajcie film z našaj padborki!
«Nie hladzicie navierch»
Žanr: drama ab sacyjalnych prablemach, navukova-fantastyčny film, kamiedyja.
U rolach: Leanarda Dy Kaprya, Dženifier Łoŭrens, Merył Stryp i inšyja.
Režysior: Adam Makiej.
Dva astranomy adpraŭlajucca ŭ Vašynhton, kab papiaredzić čałaviectva ab kamiecie, jakaja nabližajecca i nieŭzabavie źniščyć Ziamlu. A čałaviectva ŭ adkaz: «Nu i što?»
Rekamiendavana dla hledačoŭ, starejšych za 16 hadoŭ.
«Nieznajomaja dačka»
Žanr: drama.
U rolach: Alivija Kołman, Džesi Bakli, Dakota Džonsan i inšyja.
Režysior: Mehi Džylenchoł.
Spakojny vodpusk la mora źmianiajecca tryvožnymi padziejami, kali žančyna zaŭvažaje maładuju maci, jakaja adpačyvaje na susiedniaj vile, i na jaje abvalvajucca ŭspaminy.
Rekamiendavana dla hledačoŭ, starejšych za 16 hadoŭ.
«Za tysiaču kiłamietraŭ ad Rastva»
Žanr: ramantyčnaja kamiedyja.
U rolach: Tamar Novas, Andrea Ros, Piter Vajvz i inšyja.
Režysior: Alvara Fiernandes Armiera.
Aŭdytar, jaki ciarpieć nie moža Kalady, jedzie ŭ kamandziroŭku ŭ nievialikaje miastečka. Tam hieroj sustrakaje žančynu, jakaja ćviorda vyrašyła źmianić jaho staŭleńnie da śviata.
Rekamiendavana dla hledačoŭ, starejšych za 16 hadoŭ.
«Palavańnie»
Žanr: pryhody, žachi.
U rolach: Beci Hiłpin, Chiłary Suenk, Ajk Baryncholc i inšyja.
Režysior: Tomas Vinternbierh.
U hetym zmročnym satyryčnym filmie žachaŭ pradstaŭniki bahataj elity palujuć na zvyčajnych niavinnych ludziej, pakul adna z achviar nie prymušaje ŭciakać svaich pieraśledvalnikaŭ.
Rekamiendavana dla hledačoŭ, starejšych za 16 hadoŭ.
«Spantannaść»
Žanr: ramantyčnaja kamiedyja, navukova-fantastyčny film.
U rolach: Ketryn Łenhfard, Čarli Płamier, Chejli Łoŭ i inšyja.
Režysior: Brajan Dafiłd.
Dva staršakłaśniki pačynajuć žyć poŭnym žyćciom i daviedajucca, što takoje kachańnie, kali ich ravieśniki pa nieviadomaj pryčynie pačynajuć uzryvacca. U litaralnym sensie.
Rekamiendavana dla hledačoŭ, starejšych za 16 hadoŭ.
Kamientary