Supracoŭniki kryminalnaha vyšuku zatrymali traich padazravanych ŭ ździajśnieńni dziorzkaha razbojnaha napadu na 45-hadovuju žycharku Salihorsku. Jany źviazvajuć napad z prafiesijnaj dziejnaściu paciarpiełaj.
21 lipienia ŭ kala vioski Novyja Truški Salihorskaha rajona złačyncy ŭ maskach abrabavali žančynu na 5 miljonaŭ rubloŭ, 350 jeŭra i 350 dalaraŭ. Jak vyśvietlili apieratyŭniki, złačyncy vielmi dobra spłanavali napad. Jany pieraharadzili aŭtadarohu biarvionami, prymusiŭšy achviaru pakinuć aŭtamabil i vyjści z sałona. Paśla hetaha napali na jaje, pad pahrozaj naža zabrali hrošy i źnikli ŭ nieviadomym nakirunku.
Padčas apieratyŭna-vyšuknych mierapryjemstvaŭ było ŭstanoŭlena, što złačynstva źviazana z prafiesijnaj dziejnaści paciarpiełaj.
Žančyna dapamahała svajmu mužu, dyrektaru adnaho z rajonnych unitarnych pradpryjemstvaŭ, skuplać u nasielnictva lasnyja jahady dla dalejšaha pieraprodažu za miažu.
Jak paviedamlaje pres-słužba MUS, supracoŭniki milicyi pravieryli bolš sotni čałaviek na pradmiet datyčnaści da złačynstva. Siarod ich akazaŭsia 27-hadovy syn adnoj z narychtoŭšyc jahad, jakaja žyvie ŭ vioscy Novyja Truški. Jon užo byŭ raniej sudzimy i byŭ zaŭvažany va ŭžyvańni narkotykaŭ.
Paśla niepraciahłaha nazirańnia za padazravanym pad uvahu apieratyŭnikaŭ patrapili dvoje jahonych siabroŭ-narkamanaŭ. Usie troje byli zatrymanyja pavodle padazreńnia ŭ ździajśnieńni złačynstva i na pieršy dopytach pryznali svaju vinu.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?26
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary