«Biełtechahlad»: Sistema fotafiksacyi hatovaja da masavaha kantrolu za techahladam
Z 1 sakavika 2021 hoda ŭ Biełarusi nabyŭ moc abnoŭleny KaAP, jaki praduhledžvaje mahčymaść fota-i videafiksacyi pravaparušeńniaŭ u śfiery dziaržtechahladu. Sistema, jakaja zabiaśpiečvaje kantrol hetych parušeńniaŭ, u tym hodzie tak i nie zapracavała, ale ciapier całkam hatovaja, piša Zerkalo.io.
Na siońniašni momant usie techničnyja niuansy vyrašanyja, sistema fotafiksacyi hatovaja da rabot pa masavym kantroli za parušeńniami PDR.
U adpaviednaści z č. 4 art. 18. 11 KaAP, kiravańnie transpartnym srodkam, u dačynieńni da jakoha nie vydadzieny dazvoł na dopusk da ŭdziełu ŭ darožnym ruchu, kali ŭłaśnikam (uładalnikam) aŭto źjaŭlajecca fizičnaja asoba, ciahnie nakładańnie štrafu ŭ pamiery da troch bazavych vieličyń. Častka 5 hetaha ž artykuła praduhledžvaje nakładańnie štrafu na indyvidualnaha pradprymalnika abo jurydyčnuju asobu ŭ pamiery da dziesiaci bazavych vieličyń.
Nahadajem, paśla pryniaćcia novaha KaAP źjavilisia čutki, što štrafy za niaprojdzieny techahlad pačnuć dasyłać pa pošcie ŭžo z 1 sakavika, što vyklikała niebyvały ažyjataž na stancyjach dyjahnostyki. Adnak norma ŭ 2021 hodzie tak i nie zapracavała: DAI i inšym zacikaŭlenym spatrebiŭsia čas, kab naładzić pracu sistemy.
Ciapier ža kamiery buduć fiksavać numary aŭtamabilaŭ, źviarać źviestki z bazaj, i kali mašyny ŭ śpisie tych, chto prajšoŭ techahlad, nie budzie, ułaśniku pryjdzie «list ščaścia».
Kamientary