Pavodle infarmacyi niamieckaha vydańnia Welt am Sonntag, niamieckija firmy pastaŭlali ŭ Rasiju pradukcyju padvojnaha pryznačeńnia i paśla aneksii Kryma, niahledziačy na abmiežavańni Jeŭrasajuza. Tak, u 2020 hodzie jany pastavili Rasii takich tavaraŭ na 366 młn jeŭra, piša Deutsche Welle.
Hazieta Welt am Sonntag piša pra heta sa spasyłkaj na zakryty dakumient Ministerstva ekanomiki. Pavodle jaho, niamieckaje Fiederalnaje viedamstva ekanomiki i ekspartnaha kantrolu (BAFA)
jašče ŭ 2020 hodzie vydała 673 licenzii na ekspart u Rasiju tavaraŭ, jakija mohuć być vykarystanyja i ŭ vajennych metach, na sumu amal 366 młn jeŭra.
Pa źviestkach vydańnia, niahledziačy na toje, što paśla rasijskaj aneksii Kryma ŭ 2014 hodzie ES zrabiŭ kudy bolš žorstkimi kryteryi dla ekspartu ŭ Rasiju tavaraŭ, vykarystańnie jakich moža być jak hramadzianskich, tak i vajennych metach,
Rasijskaja Fiederacyja ŭ 2020 hodzie była na čaćviortym miescy pa abjomie zakupak takich tavaraŭ z Hiermanii — paśla Kitaja (1,6 młrd jeŭra), ZŠA (1 młrd) i Brazilii (371 młn).
Takim čynam, Rasija była bolš važnaj krainaj pryznačeńnia tavaraŭ padvojnaha pryznačeńnia, čym, naprykład, Francyja (274 młn jeŭra) i tym bolš Ukraina (usiaho 17 młn).
Jakija mienavita tavary pastaŭlajucca Rasii, praktyčna ničoha nie viadoma, piša Welt am Sonntag. Adnak u apošnija hady ŭžo vialisia sprečki ab pastaŭkach z Hiermanii źbiednienaha ŭrana, jaki, na dumku ekśpiertaŭ, Rasija moža vykarystoŭvać pry vytvorčaści ŭzbrajeńnia.
Praŭda, za apošnija hady ŭ Hiermanii było zaviedziena niekalki kryminalnych spraŭ u suviazi z parušeńniem abmiežavańniaŭ ES na ekspart tavaraŭ i technałohij padvojnaha pryznačeńnia ŭ Rasiju. Kab abyjści jaho i ŭvieści ŭ zman niamieckich mytnikaŭ, eksparciory pakazvali ŭ supravadžalnych dakumientach u jakaści pakupnika padkreślena hramadzianskija firmy. Havorka išła, u pryvatnaści, pra pastaŭki śpiecyjalnych mietałaapracoŭčych stankoŭ, prydatnych dla vytvorčaści rakietnaj techniki.
Čytajcie taksama:
Zamiežniki źjazdžajuć, ale Zachad nie hublaje nadziei na dypłamatyčnaje vyrašeńnie ŭ apošni momant. Što viadoma pra mahčymy napad Rasii na Ukrainu?
Na zbroju ad niemcaŭ ukraincam raźličvać nie varta, ale kredyt im daduć. Pra što damovilisia ministry ŭ Kijevie
Kancler Niamieččyny: U vypadku ahresii suprać Ukrainy Rasiju čakajuć vielmi žorstkija sankcyi
Ministr abarony Łatvii: Palityka Hiermanii ŭ dačynieńni da Rasii nie ŭpisvajecca ŭ naš čas
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary