Prezident Rasii Uładzimir Pucin «hatovy da pieramovaŭ» ab situacyi vakoł Ukrainy. Pra heta jaho pres-sakratar Dźmitryj Piaskoŭ zajaviŭ u intervju CNN.
«Prezident Pucin zaŭsiody patrabavaŭ pieramovaŭ i dypłamatyi», — skazaŭ Piaskoŭ.
Jon nahadaŭ, što mienavita rasijski prezident inicyjavaŭ abmierkavańnie harantyj biaśpieki, paviedamlaje RBK.
«I Ukraina — heta tolki častka prablemy, heta častka bolš bujnoj prablemy harantyj biaśpieki dla Rasii — viadoma, prezident Pucin hatovy ŭdzielničać u pieramovach», — padkreśliŭ Piaskoŭ.
Raniej pres-sakratar prezidenta zajaŭlaŭ, što Rasija zacikaŭlenaja ŭ supracoŭnictvie z zachodnimi krainami, u tym liku pa pytańniach biaśpieki. Piaskoŭ nazvaŭ hetuju cikavaść pakinutuju biez adkazu i skazaŭ, što Maskva ŭ takim vypadku budzie pašyrać supracoŭnictva «kantaktami na inšym fłanhu».
Pa słovach Piaskova, ZŠA i NATO sprabujuć paźbiehnuć razumieńnia najbolš važnych dla Rasii prablem zamiest taho, kab dać adkazy na prapanavanyja Maskvoj harantyi biaśpieki. «Pramych adkazaŭ [pa harantyjach biaśpieki] my nie atrymali», — rastłumačyŭ jon.
Pres-sakratar prezidenta taksama kazaŭ, što značnym adkazam na zakłapočanaści Rasii ŭ śfiery biaśpieki z boku Ukrainy staŭ by jaje admova ad ŭstupleńnia ŭ NATO.
Čytajcie taksama:
Piaskoŭ nazvaŭ nieabchodny krok dla «značnaha adkazu» na rasijskija idei pa biaśpiecy
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary