Volha Ivašyna: Za 11 miesiacaŭ nivodnaha spatkańnia z mužam i 5 miesiacaŭ niama navat listoŭ
Volha Ivašyna, žonka źniavolenaha žurnalista «Novaha Času», raspaviała, što nie bačyła muža ŭžo 11 miesiacaŭ. I amal 5 miesiacaŭ ad Dzianisa niama navat listoŭ.
Da hrodzienskaha palitviaźnia, žurnalista Dzianisa Ivašyna, jaki z 12 sakavika 2021 hoda znachodzicca za kratami, čarhovy raz nie puścili na spatkańnie jaho žonku Volhu Ivašynu.
Zajavu na spatkańnie Volha Ivašyna pisała bolš za tydzień tamu. Pra heta jana raspaviała žurnalistam «Radyjo Racyja»:
«Heta była maja zajava. Spatkańnie čarhovaje ŭžo, tam ja ŭžo nie viedaju kolki. Ja jaje dasyłała razam sa svajoj zajavaj pra toje, što ja admaŭlajusia davać pakazańni. Pakolki mianie chacieli bačyć, ja im dasłała hetuju zajavu — admovu davać pakazańni.
Vyrašyła, što čarhovy raz napišu, paprašu ŭbačyć Dzianisa. Ale mnie adkazali, što padstaŭ, jak zvyčajna, niama».
Užo amal 5 miesiacaŭ ad Dzianisa niama listoŭ, ale Volha taksama piša i inšym palitviaźniam:
«Niekalki razoŭ pisała Alesiu Puškinu. Jon adkazvaje, paštoŭku dasyłaŭ da Dnia śviatoha Valancina. Pisała Paŭłu Sieviaryncu, adkaz byŭ raz ci dva».
Volha Ivašyna prosić paviedamlać joj u sacsietkach pra toje, kali chtości listujecca ź Dzianisam. Jana spadziajecca, što choć kamuści ŭdałosia prabicca praz błakadu, jakuju stvaryli śledčyja orhany.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary