Pra svoj adjezd na asabistaj staroncy ŭ Facebook paviedamiła sama hramadckaja aktyvistka i pravaabaronca, dyrektarka likvidavanaha ŭładami aśvietnicka-sacyjalnaha hramadskaha abjadnańnia «Źviano».
Taćciana Hacura napisała siarod inšaha:
«Darahija siabry, ja va Ukrainie. Vyjechała nielehalna.
Vajna radykalna pamianiała i našu ahulnuju, i maju ŭłasnuju situacyju. Maja siamja rezka apynułasia ŭ realnaj niebiaśpiecy, na vajnie, ź niavyznačanaj budučyniaj, a tamu maje patrebu ŭ majoj prysutnaści i padtrymcy. Za tydzień vajny ja zrazumieła, što nie mahu nie być ź imi pobač u hetaj biadzie.
I, kaniešnie, nie mahu nie być jašče adnym sałdatam na ŭkrainskim froncie ŭ hetaj našaj ahulnaj vajnie. Pra sałdata pakul nie litaralna, ale ja jechała z płanam, što i jak mahu rabić tut na karyść i ŭkraincam, i biełarusam, maju namier stać častkaj biełaruskaha supracivu tut», — piša Taćciana Hacura.
Jana miarkuje, što padzieńnie režymu Łukašenki mahčymaje tolki paśla pieramohi Ukrainy.
«Nie da kanca jašče ŭśviadomiła, što ja tut. Sirenu pavietranaj tryvohi, jakaja ŭklučajecca na mabilnym, mozh usprymaje, jak telefonny zvanok… Nie viedaju, što čakaje dalej, ale ja maje namier pracavać na ahulnuju pieramohu, vyžyć i viarnucca», — piša Hacura.
U krasaviku 2021 na Taćcianu zaviali kryminalnuju spravu pa artykule 342 KK RB (Arhanizacyja dziejańniaŭ, što hruba parušajuć hramadski paradak). U ramkach hetaj spravy taksama zatrymlivali muža Taciany, viadomaha ŭkrainskaha pravaabaronca Uładzimira Javorskaha. Padčas zatrymańnia jaho źbivali, kab atrymać paroli ad telefonaŭ, pahražajučy źmiaščeńniem dziaciej u prytułak, a paśla vymusili źjechać ź Biełarusi na praciahu 48 hadzin.
Niahledziačy na toje, što nijakich śledčych dziejańniaŭ nie adbyvałasia, Taciana praciahvała zastavacca pad padpiskaj ab niavyjeździe.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary