Rasijskija vojski atakavali Kramiančuh, u pryvatnaści masiravana abstralali Kramiančuhski NPZ i navakolnyja składy paliva-zmazačnych materyjałaŭ. Pra heta paviedamiŭ načalnik Pałtaŭskaj abłasnoj vajennaj administracyi Dźmitryj Łunin, piša «Ukrainskaja praŭda».
«Na žal, infrastruktura pradpryjemstva źniščanaja. Zavod nie pracuje. Našy ratavalniki praciahvajuć hieraična tušyć pažar», — paviedamiŭ Łunin.
Paciarpieli niekalki ludziej, jakija atrymali apioki, ale ich žyćciu ničoha nie pahražaje, dadaŭ kiraŭnik AVA. Adznačajecca, što ekałahičnaj katastrofy niama i ratavalniki kantralujuć situacyju.
Kramiančuhski NPZ (PAA «Ukrtatnafta») — najbujniejšy va Ukrainie (i adziny) naftapierapracoŭčy zavod prajektnaj mahutnaściu 18,6 młn ton. U kampanii 43,05% akcyj naležać dziaržavie ŭ asobie NAK «Naftahaz Ukrainy», astatniaje padzielena pamiž bujnymi biznesmienami Iharam Kałamojskim i Alaksandram Jarasłaŭskim.
«Prašu žycharoŭ Pałtaŭskaj vobłaści nie vystrojvacca ŭ čarhu za bienzinam i nie stvarać štučny deficyt. Va Ukrainie — vajna, situacyja nadzvyčaj składanaja, ale całkam kantralavanaja», — padkreśliŭ Dźmitryj Łunin.
Kamientary