U mietro Ńju-Jorka adbyłasia stralanina. Paranienyja 13 čałaviek
Paciarpieli nie mienš za 13 čałaviek. Stralali na niekalkich stancyjach, napadnik uciok, palicyja šukaje jaho. Akramia taho, vyjaŭlenyja niekalki padazronych pradmietaŭ, na miescy pracuje kamanda capioraŭ.
U mietro Ńju-Jorka ŭ rajonie Bruklina adbyłasia stralanina, paranienyja prynamsi 13 čałaviek, paviedamlaje The New York Times.
Pavodle infarmacyi NBC New York, na miescy zdareńnia vyjaŭlena niekalki vybuchovych pryład, jakija nie cpracavali. Pavodle apisańnia, strałok — mužčyna ŭ procivahazie i aranžavym budaŭničym kaściumie, jon źbieh.
Pavodle źviestak miascovaha adździaleńnia telekanała ABC, adbyłosia niekalki incydentaŭ na roznych stancyjach mietrapalitena. Kanał pieradaje, što palicyja vyvučaje prynamsi čatyry padazronyja pradmiety.
New York Times taksama paviedamlaje pra zadymleńnie ŭnutry stancyi. Pa danych vydańnia, streły byli čutnyja kala 8.30 ranicy (15.30 pa Minsku), u hadzinu pik, na stancyi «36-ja vulica». Jak paviedamlaje ABC, čaćviora paciarpiełych znachodzilisia tam, jašče adnaho vyjavili na stancyi «25-ja vulica», pry hetym pakul niezrazumieła, dzie adbyvałasia stralba: na stancyjach abo ŭ vahonach. Adznačajecca, što padčas stralby była vykarystanaja dymavaja šaška.
New York Post piša, što na miesca zdareńnia vyjechała kamanda sapioraŭ.
Izrail zabiŭ kiraŭnika «Chiezbały» Chasana Nasrału3
Kamientary