Palitviazień Ihar Łosik pabačyŭ dačku ŭpieršyniu za 22 miesiacy
Palitźniavoleny błohier Ihar Łosik zmoh siońnia sustrecca ź siamjoj. Upieršyniu za 22 miesiacy jon atrymaŭ mahčymaść pabačyć svaju dačku, napisała ŭ sacsietkach žonka Ihara Darja.
Darja Łosik napisała:
«Siońnia Ihar u pieršy raz za dvaccać dva miesiacy ŭbačyŭ svaju dačku i zmoh pačuć jaje hołas. Praz dva škła, kraty i telefonnuju trubku.
Siońnia ja jašče raz pierakanałasia ŭ tym, što adnosiny Ihara i Paŭliny — heta niešta nierealnaje.
Praz škło jany razumieli adzin adnaho biez słoŭ, chapała pohladaŭ i emocyj. Hetyja biaskoncyja pytańni Paŭliny: «Mama, a my ž zabiarem tatu dadomu?», stavili ŭ tupik abodvuch, niahledziačy na toje, što projdziena ŭžo šmat vyprabavańniaŭ.
Uśmieška Ihara siońnia — heta samaje pryhožaje z taho, što ja bačyła za ŭsie svaje 30 hadoŭ žyćcia».
Ihar Łosik asudžany pa «spravie Cichanoŭskaha» da 15 hadoŭ pazbaŭleńnia voli. Jaho abvinavačvali ŭ raspalvańni sacyjalnaj varožaści ŭ dačynieńni da pradstaŭnikoŭ ułady i pravaachoŭnych orhanaŭ, a taksama arhanizacyi masavych biesparadkaŭ.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary