Палітзняволены блогер Ігар Лосік змог сёння сустрэцца з сям'ёй. Упершыню за 22 месяцы ён атрымаў магчымасць пабачыць сваю дачку, напісала ў сацсетках жонка Ігара Дар'я.
Дар'я Лосік напісала:
«Сёння Ігар у першы раз за дваццаць два месяцы ўбачыў сваю дачку і змог пачуць яе голас. Праз два шкла, краты і тэлефонную трубку.
Сёння я яшчэ раз пераканалася ў тым, што адносіны Ігара і Паўліны — гэта нешта нерэальнае.
Праз шкло яны разумелі адзін аднаго без слоў, хапала поглядаў і эмоцый. Гэтыя бясконцыя пытанні Паўліны: «Мама, а мы ж забярэм тату дадому?», ставілі ў тупік абодвух, нягледзячы на тое, што пройдзена ўжо шмат выпрабаванняў.
Усмешка Ігара сёння — гэта самае прыгожае з таго, што я бачыла за ўсе свае 30 гадоў жыцця».
Ігар Лосік асуджаны па «справе Ціханоўскага» да 15 гадоў пазбаўлення волі. Яго абвінавачвалі ў распальванні сацыяльнай варожасці ў дачыненні да прадстаўнікоў улады і праваахоўных органаў, а таксама арганізацыі масавых беспарадкаў.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў88
Каментары