Łukašenka ŭznaharodziŭ supracoŭnikaŭ, jakija ŭdzielničali ŭ «śpiecapieracyi KDB» va Ukrainie
Alaksandr Łukašenka ŭznaharodziŭ siońnia supracoŭnikaŭ Kamiteta dziaržbiaśpieki, jakija ŭdzielničali ŭ śpiecapieracyi KDB na terytoryi Ukrainy
Pavodle infarmacyi «Puła pieršaha», mierapryjemstva ŭ pracoŭnym hrafiku značyłasia pad hryfam «całkam sakretna».
Telekanał ANT paviedamiŭ, što havorka viadziecca pra dalnabojščykaŭ, jakija zachraśli va Ukrainie. KDB dapamahło biełarusam viarnucca dadomu. «Praličvalisia roznyja varyjanty, kab viarnuć biełarusaŭ dadomu». Usio heta nazyvajecca ŭnikalnaj śpiecapieracyjaj.
«Naša Niva» raniej pisała pra detali «śpiecapieracyi». Jak nam stała viadoma,
sens jaje zaklučaŭsia ŭ nieaficyjnym abmienie zatrymanych rasijskich hramadzian (dalnabojščykaŭ, budaŭnikoŭ i inšych cyvilnych śpiecyjalistaŭ z rasijskimi pašpartami, jakich vajna zaśpieła na terytoryi Ukrainy) i — u nievialikaj kolkaści — biełarusaŭ na hramadzian Ukrainy mirnych prafiesij, jakija anałahična apynulisia ŭ Rasii.
Krynicy śćviardžali, što bolšaść biełarusaŭ pakinuła Ukrainu ŭ ahulnym paradku — zvyčajnymi evakuacyjnymi rejsami.
Na «abmien» trapili tolki tyja niekalki dziasiatkaŭ, kamu asabliva nie paščaściła — jany znachodzilisia pad achovaj Słužby biaśpieki Ukrainy (SBU). Jany byli pad svajho rodu «chatnim aryštam» z mahčymaściu adychodzić u apteki i kramy ŭ supravadžeńni supracoŭnikaŭ śpiecsłužb da momantu abmienu.
Biełarusy pajšli ŭ adnym pakiecie z rasijanami, imavierna, jaje praviali naŭprost SBU i rasijskaja FSB.
Što za «śpiecapieracyja» biełaruskich śpiecsłužb na terytoryi Ukrainy dla vyzvaleńnia dalnabojščykaŭ? Padrabiaznaści
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary