Łatvija płanuje nacyjanalizavać ułasnaść Rasii i Biełarusi na svajoj terytoryi
Ministr justycyi Łatvii Janis Bordans daručyŭ raspracavać zakon, jaki dazvolić jahonaj krainie nacyjanalizavać nieruchomaść, jakaja naležyć rasijskaj i biełaruskaj dziaržavam. Rasijskija i biełaruskija kulturnyja centry i sanatoryi ŭ Łatvii mohuć pierajści va ŭłasnaść łatvijskaj dziaržavy, piša Radyjo Svaboda.
Miniust Łatvii pavinien padrychtavać zakon užo da 17 červienia — hadaviny ŭvodu savieckich vojskaŭ u 1940 hodzie.
Siarod abjektaŭ, jakija mohuć stać łatvijskimi — «Dom Maskvy» ŭ Ryzie, sanatoryj «Burštynavy bierah», jaki naležyć rasijskaj dziaržstruktury, i sanatoryj «Biełaruś» u Jurmale. U hetym siezonie z-za sankcyj ŭsie jany nie pracujuć.
Bardans adznačyŭ, što Łatvija budzie vykarystoŭvać nacyjanalizavanuju majomaść dla raźmiaščeńnia ŭkrainskich uciekačoŭ, reabilitacyi paciarpiełych i dla stvareńnia infarmacyjnaha centra.
«Abiedźvie krainy niasuć pramuju adkaznaść za ździajśnieńnie kryminalnych złačynstvaŭ i hienacydu, pra što taksama havorycca ŭ zajavach Siejma i Jeŭrarady, — napisaŭ Bordans u Tvitary. — Dla taho, kab zakanadaŭca vyrazna vykazaŭ svaju volu i vyrašyŭ jurydyčnyja niuansy, nieabchodny asablivy zakon, jaki prybiraje lubyja pieraškody i interpretacyi ŭ dačynieńni da zabirańnia hetych abjektaŭ, jakija naležać Rasii i Biełarusi, dla patreb dziaržavy i hramadstva».
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary