Hałoŭnaje ŭpraŭleńnie raźviedki Ukrainy paviedamlaje, što adbyŭsia čarhovy abmien pałonnymi, dziakujučy jakomu dadomu viarnulisia 144 ŭkrainskija vajskoŭcy. Siarod ich — i abaroncy «Azoŭstali».
Z 144 vyzvalenych — 95 abaroncaŭ «Azoŭstali». A siarod ich — 43 vajskoŭcy pałka «Azoŭ».
Heta samy vialiki abmien pałonnymi z pačatku poŭnamaštabnaj vajny, raspačataj Rasijaj suprać Ukrainy.
Usiaho vyzvalena:
- 59 bajcoŭ Nacyjanalnaj hvardyi;
- 30 — Vajenna-marskich siłaŭ;
- 28 — Uzbrojenych siłaŭ Ukrainy;
- 17 — Dziaržaŭnaj pamiežnaj słužby Ukrainy;
- 9 — terytaryjalnaj abarony;
- 1 — Nacyjanalnaj palicyi Ukrainy.
Siarod vyzvalenych — 23 aficery i 69 vajskoŭcaŭ siaržanckaha i staršynskoho składu. Najstarejšamu ź ich spoŭniłasia 65 hadoŭ, samamu małodšamu — 19.
Bolšaść vyzvalenych ukraincaŭ majuć ciažkija paškodžańni: ahniastrelnyja i askiepkavyja ranieńni, vybuchovyja traŭmy, apioki, pierałomy, amputacyi kaniečnaściaŭ.
Kamientary