Rasijski palittechnołah kupiŭ abaniemient u spartzału na Kastryčnickaj i ašaleŭ: Tam navat šafki adčyniaješ, kali nie Pahonia, to nalepki chipstarskija
Rasijski palityčny kamientatar Siamion Urałaŭ raskazaŭ BiełTA pra «kahnityŭnyja ŭdary» i toje, jakuju padryŭnuju rabotu viaduć chipstarskija kaviarni.
Urałaŭ padzialiŭsia ŭražańniami pra chipstarski kvartał na vuł. Kastryčnickaja.
«Tam ža sucelnaje bčbešnictva, a pobač ža internaty BDU — hałoŭnaj VNU respubliki, dzie rychtujuć asnoŭnyja kadry. Heta ž pad ich i stvorana. Jany ž čerpajuć adtul infarmacyju.
Ja admysłova kupiŭ sabie abaniemient u spartzału na Kastryčnickaj. Tam navat šafki adčyniaješ, kali nie Pahonia, to nalepki madniavyja chipstarskija. Usie hetyja kaviarni tak uładkavanyja. Naturalna, studenty, jakija žyvuć u internatach BDU, u hetuju prastoru apuskajucca, pravodziać tam čas. I praz 5 hadoŭ u ich užo kahnityŭnaje ŭsprymańnie całkam hatova, u tym liku dla taho, kab vychodzić na pratest. Heta ŭsio było zroblena niezdarma.
Našy apanienty dziejničajuć na dziesiacihodździ napierad. Heta vielmi važna razumieć. Teoryja i praktyka kahnityŭnych vojnaŭ nakiravana na dziesiacihodździ, a to i bolš», — skazaŭ jon.
Urałaŭ u intervju BiełTA vielmi časta vykarystoŭvaŭ słova «kahnityŭny» ŭ samych roznych varyjacyjach.
- «My hulajem u infarmacyjnyja vojny z našymi apanientami, a jany ŭžo z nami hulajuć u kahnityŭnyja. Heta zusim inšy ŭzrovień. Zadača kahnityŭnaj vajny nie danieści infarmacyju abo pieramahčy, a pahruzić hramadstva ŭ stan lohkaha varjactva».
- «U hramadstvie jašče moža žyć voś heta kahnityŭnaje zasmučeńnie».
- «Asnoŭnaja ideałohija kahnityŭnych vojnaŭ (ZŠA i nataŭskija śpiecyjalisty pra heta niepasredna kažuć), što jany iduć zaŭsiody».
Pahladzicie, jak časta vykarystoŭvaje hetaje słova praŭładny kamientatar, jakoha nazyvajuć «palitołaham».
Kamientary
https://nashaniva.com/ru/29501