Расійскі паліттэхнолаг купіў абанемент у спартзалу на Кастрычніцкай і ашалеў: Там нават шафкі адчыняеш, калі не Пагоня, то налепкі хіпстарскія
Расійскі палітычны каментатар Сямён Уралаў расказаў БелТА пра «кагнітыўныя ўдары» і тое, якую падрыўную работу вядуць хіпстарскія кавярні.
Уралаў падзяліўся ўражаннямі пра хіпстарскі квартал на вул. Кастрычніцкая.
«Там жа суцэльнае бчбэшніцтва, а побач жа інтэрнаты БДУ — галоўнай ВНУ рэспублікі, дзе рыхтуюць асноўныя кадры. Гэта ж пад іх і створана. Яны ж чэрпаюць адтуль інфармацыю.
Я адмыслова купіў сабе абанемент у спартзалу на Кастрычніцкай. Там нават шафкі адчыняеш, калі не Пагоня, то налепкі маднявыя хіпстарскія. Усе гэтыя кавярні так уладкаваныя. Натуральна, студэнты, якія жывуць у інтэрнатах БДУ, у гэтую прастору апускаюцца, праводзяць там час. І праз 5 гадоў у іх ужо кагнітыўнае ўспрыманне цалкам гатова, у тым ліку для таго, каб выходзіць на пратэст. Гэта ўсё было зроблена нездарма.
Нашы апаненты дзейнічаюць на дзесяцігоддзі наперад. Гэта вельмі важна разумець. Тэорыя і практыка кагнітыўных войнаў накіравана на дзесяцігоддзі, а то і больш», — сказаў ён.
Уралаў у інтэрв'ю БелТА вельмі часта выкарыстоўваў слова «кагнітыўны» ў самых розных варыяцыях.
- «Мы гуляем у інфармацыйныя войны з нашымі апанентамі, а яны ўжо з намі гуляюць у кагнітыўныя. Гэта зусім іншы ўзровень. Задача кагнітыўнай вайны не данесці інфармацыю або перамагчы, а пагрузіць грамадства ў стан лёгкага вар'яцтва».
- «У грамадстве яшчэ можа жыць вось гэта кагнітыўнае засмучэнне».
- «Асноўная ідэалогія кагнітыўных войнаў (ЗША і натаўскія спецыялісты пра гэта непасрэдна кажуць), што яны ідуць заўсёды».
Паглядзіце, як часта выкарыстоўвае гэтае слова праўладны каментатар, якога называюць «палітолагам».
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?17
Каментары
https://nashaniva.com/ru/29501