Rasijskaje minabarony, vierahodna, sprabuje raźviejać aściarohi, jakija efiektyŭnaje vykarystańnie Ukrainaj amierykanskich RSZA HIMARS vyklikaje ŭ rasijskich vajskoŭcaŭ, tranślujučy fejkavyja zajavy ab źniščeńni hetych sistem, piša ŭ čarhovaj zvodcy amierykanski Instytut vyvučeńnia vajny (ISW).
Ministr abarony Rasii Siarhiej Šajhu padčas narady z kiraŭnictvam Uzbrojenych sił Rasii ŭ aŭtorak zajaviŭ, što rasijskija vojski źniščyli šeść puskavych ustanovak HIMARS i inšuju vajskovuju techniku, pastaŭlenuju Zachadam va Ukrainu.
Taksama rasijskaje abaronnaje viedamstva apublikavała videa sa śćviardžeńniami ab tym, što 1 žniŭnia ŭ Charkaŭskaj vobłaści byŭ źniščany budynak, u jakim znachodzilisia dźvie sistemy HIMARS.
Načalnik apieratyŭnaha kamandavańnia «Poŭdzień» USU Andrej Kavalčuk zajaviŭ, što rasijskija vojski «nie źniščali nijakich HIMARS», a nienazvany finski čynoŭnik nazvaŭ rasijskija zajavy vydačaj žadanaha za sapraŭdnaje.
Hałoŭnaje ŭpraŭleńnie vajskovaj raźviedki Ukrainy taksama paviedamiła, što rasijskija abaronnyja viedamstvy chavajuć straty rasijskich vajskoŭcaŭ, pieravoziačy paranienych rasijan na cyvilnych aŭtamabilach i zamoŭčvajučy ŭ ŚMI kolkaść achviar ad udaraŭ ukrainskich HIMARS.
Udary z vykarystańniem sistem HIMARS z boku Ukrainy, vierahodna, demaralizujuć rasijskich vajskoŭcaŭ na miescach, zaklučajuć ekśpierty ISW.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary