«U nas niama iluzij nakont Biełarusi». U MZS Ukrainy raspaviali, pry jakich abstavinach razarvuć z našaj krainaj dypłamatyčnyja adnosiny
Paśla apošniaha rakietnaha ŭdaru pa Ukrainie z terytoryi Biełarusi ŭ Dzień ukrainskaj dziaržaŭnaści va ŭkrainskim hramadstvie znoŭ paŭstała pytańnie, ci nie čas razryvać dypłamatyčnyja adnosiny z našaj krainaj. «Ukrinform» spytaŭ ministra zamiežnych spraŭ Ukrainy Dźmitryja Kulebu pra pazicyju MZS na hety kont.
Kuleba adkazaŭ, što dobra pamiataje, jak u noč na 24 lutaha z terytoryi Biełarusi pačałosia ŭvarvańnie va Ukrainu.
«Pierad hetym biełarusy klalisia, što Biełaruś nam nie pahražaje. U nas niama iluzij nakont Biełarusi, ale jość ćviarozy analiz taho, što adbyvajecca, i taho, jak nie davać Łukašenku dadatkovych padstavaŭ dla pryniaćcia tych ci inšych rašeńniaŭ».
Kuleba kaža, što jaho pazicyja nie źmianiłasia: kali biełaruskija ŭzbrojenyja siły ŭvojduć na terytoryju Ukrainy, jon nieadkładna nakiruje prapanovu razarvać ź Biełaruśsiu dypłamatyčnyja adnosiny.
«A nakont taho, što abstreły iduć z terytoryi Biełarusi, mnie zdajecca, što niama sensu pryviazvać heta da śviatočnych dat. Toje, što rasijskija bambardziroŭščyki lotajuć u pavietranaj prastory Biełarusi — to prosta trenirujucca, to stralajuć — heta naša štodzionnaja realnaść. Chaču jašče raz padkreślić, što Biełaruś źjaŭlajecca saŭdzielnikam złačynstva ahresii suprać Ukrainy, u hetym niama nijakich sumnievaŭ. Tamu apraŭdańniaŭ im niama i nie budzie», — skazaŭ jon.
-
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
-
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
-
U Jeŭropie raście razryŭ u praciahłaści žyćcia pamiž rehijonami. U čym pryčyny?
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
,