Pra heta 37‑hadovaja spartoŭka paviedamiła žurnalistam 20 vieraśnia paśla «załatoha» finišu na čempijanacie Jeŭropy pa akademičnym viesłavańni ŭ Breście.
Dvuchrazovaja alimpijskaja čempijonka i šaścirazovaja čempijonka śvietu Kaciaryna Karsten płanuje ŭziać udzieł u Alimpijadzie 2012 hoda.
Pra heta 37‑hadovaja spartoŭka paviedamiła žurnalistam 20 vieraśnia paśla «załatoha» finišu na čempijanacie Jeŭropy pa akademičnym viesłavańni ŭ Breście.
«Zaŭtra ja jedu ŭ Minsk, dzie budzie iści razmova pra dalejšyja spartyŭnyja płany. A najbližejšyja maje płany — adpačynak. Potym — pačatak novaha siezona», — skazała Karsten.
Kažučy pra svajo vystupleńnie na čempijanacie Jeŭropy ŭ Breście, čempijonka padkreśliła, što heta byli asablivyja starty: «Ja vystupała ŭ siabie na radzimie, dzie mianie lubiać i, kaniečnie, čakajuć majoj pieramohi. I zrabiła ŭsio dla taho, kab vyjhrać. Darečy, tak, jak siońnia radavalisia majoj pieramozie, nie radavalisia nidzie».
Adkazvajučy na pytańnie ab płanach vystupać za Rasiju, Karsten adznačyła, što joj pastupała takaja prapanova. «I raniej było šmat prapanoŭ vystupać dzieści.
Ale ja chaču vystupać za Biełaruś. Praŭda, hety siezon prajšoŭ na niervach. Było drennaje finansavańnie. Źmianiłasia ŭ fiederacyi kiraŭnictva, i paśla hetaha ŭsio pajšło nie tak», — zajaviła jana.
20 vieraśnia na čempijanacie Jeŭropy pa akademičnym viesłavańni ŭ Breście Kaciaryna Karsten zavajavała «zołata» ŭ kłasie łodak‑adzinočak (7 chvilin 40,02 siekundy). «Sierabro» — u češki Mirki Knapkavaj (7.43,79), «bronza» — u rasijanki Julii Levinaj (7.51,15).
Padtrymać Karsten pryjšło bolš za 3 tys. čałaviek.
Ciapier čytajuć
U Biełarusi bolš nie buduć prymać płatnikaŭ u mieduniviersitety. Što pra heta kažuć daktary?1
Kamientary