Kitaj zapuściŭ haradski mahleŭ na nieadymavych mahnitach — jon levituje biez vydatkaŭ enierhii
U Kitai zapuščana pieršaja ŭ śviecie linija na mahnitnaj padviescy, pabudavanaja na nieadymavych mahnitach, jakija mohuć utrymlivać «niabiesny ciahnik» na płavu viečna — navat biez krynicy siłkavańnia.
Ekśpierymientalnaja čyhunka daŭžynioj 800 mietraŭ u paviecie Sinha na poŭdni Kitaja, pravincyja Cziansu, vykarystoŭvaje mahutnyja pastajannyja mahnity, zroblenyja z spłavaŭ redkaziamielnych elemientaŭ, dla stvareńnia pastajannaj siły adšturchvańnia, dastatkovaj dla taho, kab padniać u pavietra ciahnik z 88 pasažyrami.
Ciahnik ruchajecca na vyšyni kala 10 mietraŭ nad ziamloj z chutkaściu 80 km/h. Pa słovach stvaralnikaŭ z Univiersiteta navuki i technałohij Cziansu, va ŭmovach svabodnaha płavańnia i adsutnaści treńnia dla ruchu ciahnika patrabujecca tolki nievialikaja kolkaść elektraenierhii.
Novaja technałohija mahnitnaj padvieski hienieruje mała elektramahnitnaha vypramieńvańnia, a košt jaje budaŭnictva składaje prykładna 10% koštu budaŭnictva mietro.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary