Pasoł Biełarusi ŭ Vialikabrytanii Maksim Jermałovič 29 lipienia byŭ adklikany ŭ Biełaruś. MZS Biełarusi adznačyła, što nie razryvaje dypłamatyčnyja stasunki, ale novaha pasła pryznačać nie budzie. Pasoł Vialikabrytanii ŭ Biełarusi Džaklin Pierkins paviedamiła, što jaje kraina nie płanuje simietryčnaha kroku ŭ adkaz.
«Padtrymańnie adnosin na pasolskim uzroŭni maje važnaje značeńnie dla adkrytaha dyjałohu padčas składanaj situacyi ŭ mižnarodnych adnosinach, — tłumačać u pasolstvie. — Vialikabrytanija praciahnie aktyŭna zaklikać da adkaznaści ŭ Biełarusi».
Jak praviła, panižeńnie ŭzroŭniu dypłamatyčnaj prysutnaści adbyvajecca simietryčna: kali adzin bok adklikaŭ pasła, adklikaje i inšy.
Pryčyny adklikańnia Jermałoviča, jakija nazvaŭ pres-sakratar MZS, nastupnyja: sankcyi, abmiežavańnie pracy dziaržaŭnych miedyja, «biespadstaŭnaja» zabarona na paloty «Biełavii», niavydača biełaruskim deputatam vizaŭ dla naviedvańnia pasiadžeńnia Parłamienckaj asamblei ABSIE.
U MZS Biełarusi paśla adklikańnia pasła ź Vialikabrytanii zajavili, što heta nie razryŭ dypłamatyčnych adnosin — kanały kamunikacyi zastajucca. U toj ža čas novaha pasła paabiacali pryznačyć tolki «paśla zakančeńnia sioletniaha ŭnutrypalityčnaha šou i źjaŭleńnia ŭ brytanskim uradzie adkaznych palitykaŭ».
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary