Ajcišniki ŭ lipieni atrymali samy nizki siaredni zarobak u hetym hodzie
Siaredni zarobak u IT-siektary ŭ lipieni ŭpaŭ da 6070,6 rubla. Heta samaja nizkaja zarpłata ŭ hetym hodzie ŭ rublach. U dalarach siaredni zarobak z ulikam kursu taksama źmienšyŭsia i staŭ samym nizkim za apošnija try miesiacy (maj—lipień), paviedamlaje dev.by.
U paraŭnańni ź lipieniem minułaha hoda, siaredni zarobak IT-śpiecyjalistaŭ vyras na 3,4%, ale ŭ paraŭnańni z červieniem hetaha hoda — jon źmienšyŭsia na 3%.
Sioleta na zarobkach ajcišnikaŭ u nacyjanalnaj valucie adbivajecca vahańnie kursu rubla da dalara. Pa źviestkach apošniaha ankietavańnia dev.by, amal u 90% respandentaŭ, jakija žyvuć u Biełarusi, zarobak pryviazany da valuty. A za druhi kvartał siaredni kurs dalara ŭpaŭ na 6% adnosna pieršaha kvartała — da 2,64 rubla. Za lipień dalar patańnieŭ da 2,6 rubla.
U valucie siaredni zarobak u IT skłaŭ za minuły miesiac 2334 dalary (kali ličyć pa siarednim kursie Nacbanka za lipień — 2,6010). U paraŭnańni ź lipieniem minułaha hoda zarobak vyras zusim niaznačna — usiaho na 20 dalaraŭ. A voś u paraŭnańni z červieniem, zarobak upaŭ na 4,5%, abo bolš čym na 100 dalaraŭ.
Sami ajcišniki źmienaŭ, adnak, pakul što nie adčuvajuć. Dev.by zapytaŭsia ŭ tych ź ich, jakija žyvuć Biełarusi, jak źmianiŭsia za minuły miesiac ich realny zarobak čystymi ŭ dalarach u paraŭnańni z červieniem. Z bolš čym 900 respandentaŭ bolšaść (83%) adznačyła, što zarobak nie źmianiŭsia. Pra jaho źmianšeńnie paviedamili tolki 3% IT-śpiecyjalistaŭ.
Sumarna za studzień—lipień siaredni zarobak u IT skłaŭ 6770,5 rubla abo 2517,4 dalara. U paraŭnańni z anałahičnym pieryjadam minułaha hoda, zarobak u rublach vyras na 9%, u dalarach — na 4,2%.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary