U Viarchoŭnaj Radzie Ukrainy vystupili ź inicyjatyvaj pryznać Biełaruś dziaržavaj — sponsaram teraryzmu
Prajekt pastanovy inicyjavali čaćviora deputataŭ praŭładnaj frakcyi «Słuha naroda» Siarhiej Kuźminych, Hanna Bondar, Jaŭhien Brahar, Alaksandar Aliksijčuk, a taksama deputat frakcyi «Baćkaŭščyna» Ivan Krulko, piša «Radyjo Svaboda».
Pastanovaj prapanujecca zaćvierdzić adpaviedny zvarot ukrainskich deputataŭ da AAN, Jeŭraparłamienta, Parłamienckaj asamblei Rady Jeŭropy, Parłamienckaj asamblei ABSIE, NATA, Asamblei čarnamorskaha ekanamičnaha supracoŭnictva, uradaŭ i parłamientaŭ dziaržaŭ śvietu.
U toj ža čas tekst samoha zvarotu pakul adsutničaje na aficyjnym sajcie ŭkrainskaha parłamienta.
Raniej paviedamlałasia, što ź Biełarusi Rasija vypuściła pa Ukrainie bolš jak 700 rakiet. Biełaruś taksama dała rasijskamu vojsku svaju terytoryju i vajskovuju infrastrukturu dla vajennaha ŭvarvańnia Rasii ŭ paŭnočnyja vobłaści Ukrainy.
28 žniŭnia Rasija ŭ čarhovy raz abstralała z pavietranaj prastory Biełarusi horad Sarny Rovienskaj vobłaści. Rasijanie atakavali vajskovy abjekt. Ad udarnaj chvali paciarpieli 30 budynkaŭ i centralnaja rajonnaja balnica, ale abyšłosia biez čałaviečych achviar.
Kamientary