У Вярхоўнай Радзе Украіны выступілі з ініцыятывай прызнаць Беларусь дзяржавай — спонсарам тэрарызму
Праект пастановы ініцыявалі чацвёра дэпутатаў праўладнай фракцыі «Слуга народа» Сяргей Кузьміных, Ганна Бондар, Яўген Брагар, Аляксандар Аліксійчук, а таксама дэпутат фракцыі «Бацькаўшчына» Іван Крулько, піша «Радыё Свабода».
Пастановай прапануецца зацвердзіць адпаведны зварот украінскіх дэпутатаў да ААН, Еўрапарламента, Парламенцкай асамблеі Рады Еўропы, Парламенцкай асамблеі АБСЕ, НАТА, Асамблеі чарнаморскага эканамічнага супрацоўніцтва, урадаў і парламентаў дзяржаў свету.
У той жа час тэкст самога звароту пакуль адсутнічае на афіцыйным сайце ўкраінскага парламента.
Раней паведамлялася, што з Беларусі Расія выпусціла па Украіне больш як 700 ракет. Беларусь таксама дала расійскаму войску сваю тэрыторыю і вайсковую інфраструктуру для ваеннага ўварвання Расіі ў паўночныя вобласці Украіны.
28 жніўня Расія ў чарговы раз абстраляла з паветранай прасторы Беларусі горад Сарны Ровенскай вобласці. Расіяне атакавалі вайсковы аб’ект. Ад ударнай хвалі пацярпелі 30 будынкаў і цэнтральная раённая бальніца, але абышлося без чалавечых ахвяр.
Чытайце таксама:
Расійскія самалёты нанеслі ракетныя ўдары па Украіне з тэрыторыі Беларусі
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося35
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары