Navuka i technałohii1313

Jak pačyścić telehram-boty, kab nie zastałosia nijakich śladoŭ VIDEA

Niadaŭna stała viadomaja ŭraźlivaść Telegram — možna dakazać, što vy skarystali bota, navat kali vy ŭžo daŭno im nie karystalisia. «Kibierpartyzany» prapanujuć rašeńnie hetaj prablemy.

Kali koratka, to prablema ŭ nastupnym: što b vy ni rabili z botam, standartnyja klijenty Telegram pakazvajuć, što vy im karystalisia. Heta stała padstavaj dla zaviadzieńnia šmatlikich spravaŭ suprać pratestoŭcaŭ i ludziej, jakija rehistravalisia ŭ płanie «Pieramoha».

Da taho ž, boty, jakimi vy niekali karystalisia, zaŭždy pakazvajucca ŭ pošuku. I kali ŭvieści ŭ pošukavy radok słova bot, to vy pabačycie ŭsich botaŭ, u jakija vy niekali pisali. A ŭsie vydalenyja i zabłakavanyja boty možna pabačyć pa šlachu «Nałady > Pryvatnaść i biaśpieka > Zabłakiravanyja karystalniki». Ich ža pabačać i siłaviki ŭ vypadku zatrymańnia.

Ilustracyja ŭraźlivaści. Bot i pierapiska ź im vydalenyja, ale jon bačny ŭ pošuku i pry vybary bota pakazvajecca knopka «Restart bot».

Składanaść jašče i ŭ tym, što hetaja mahčymaść jaŭna nie apisanaja ŭ API samoha Telegram. Ale «Kibierpartyzany» vynajšli rašeńnie prablemy, choć i nie idealnaje. Kab vydalić usich botaŭ, zrabicie nastupnaje (instrukcyja pracuje najlepš dla kampjutarnaj viersii Telegram, videa-instrukcyja naprykancy artykułu):

1. Razbłakujcie ŭ čornym śpisie ŭsich botaŭ.

Śpis zabłakavanych karystalnikaŭ musić vyhladać tak.

2. Uviadzicie słova bot u radku pošuku Telegram.

3. Abiarycie bot, jaki treba vydalić nazusim. U aknie dyjałohu ź im naciśnicie try viertykalnyja kropki i abiarycie «Ačyścić historyju».

Treba abrać punkt «Ačyścić historyju».

4. Znoŭ uviadzicie słova bot u radku pošuku Telegram. Naciśnicie na toj ža samy bot pravaj knopkaj myšy i abiarycie «Vydalić čat».

Punkt «Vydalić čat» vyhladaje tak.

5. Pačakajcie kala sutak. Uvieś hety čas nie šukajcie botaŭ u radku pošuku! Paśla hetaha robat pavinien kančatkova vydalicca.

Jość niuans: hetaha moža nie adbycca. Kali sproba pravaliłasia, paŭtarycie ŭsie punkty nanova — «Kibierpartyzany» kažuć, što praz paru sprobaŭ heta dakładna atrymajecca.

Udakładnieńnie dla Android: kali vy vydalajecie dyjałoh z botam na telefonie, bot źjaŭlajecca ŭ vašym čornym śpisie. Razbłakujcie adtul usich botaŭ paśla vydaleńnia. Jany znachodziacca pa šlachu: «Nałady > Pryvatnaść i biaśpieka > Zabłakavanyja karystalniki».

Zaŭvaha dla iOS: tam vydaleńnie pracuje drenna. Uładalnikam techniki Apple lepš vydalać botaŭ praz veb-viersiju Telegram (https://telegram.org/dl/webk). Ale zamiest «Ačyścić historyju» adrazu vybirajcie «Vydalić čat».

U dalejšym nie abirajcie punkt «Spynić i zabłakavać bota» (heta standartnaje dziejańnie, kali vy prosta vydzialajecie bot i sprabujecie jaho vydalić). Zamiest hetaha dziejničajcie pa pryviedzienaj vyšej instrukcyi.

Videa-instrukcyja

My zapytalisia inšych ekśpiertaŭ i inicyjatyvy, jakija zajmajucca kibierbiaśpiekaj: bolš nadziejnaj i prostaj instrukcyi jany nie vynajšli, a Telegram davoli doŭhi čas ihnaruje prablemu.

«Naša Niva» — bastyjon biełaruščyny

PADTRYMAĆ

Čytajcie jašče:

Jak pravilna čyścić svoj akaŭnt u Instagram, kab zaścierahčy siabie. Padrabiazny hajd

Raspaviadajem, jak siłaviki znachodziać stvaralnikaŭ stykieraŭ u Telegram

Miesiendžary: jakija ź ich sapraŭdy biaśpiečnyja i čym Viber lepšy za Telegram

Kamientary13

  • Niechta sumny
    07.09.2022
    Dobra, što na hetuju prablemu narešcie źviarnuli ŭvahu. Daŭno staŭ zaŭvažać, što ŭsie aktyvavanyja choć raz boty zastajucca nazaŭždy. A niekatoryja abo ŭ banie, abo spamiać.
    Nažal, telehram bolš dziravy, čym my pryvykli dumać
  • Durov fiłołoh
    07.09.2022
    Udaliť jeho nafih da i vsie. H.no soft.
  • Nika
    07.09.2022
    Pro etu ujaźvimosť było iźviestno užie počti hod . Eto karatielnyje kanały sami žie tolko niedavno opublikovali.

    No zabavno, kak ludiam vtirali, moł eto vsie v fiejkovyje boty pišut, tak i nachodiat. Takoje tožie mohło byť, no lvinaja dola tiech u koho provierili tielehu pośle zadieržanija i našli śled.

    I jeŝio v staťje nie miešało by otdielno podčierknuť, čto v samom koncie pośle udalenija bota jeho opiať nužno iz ČS udaliť.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →