Kavaleŭski patłumačyŭ, čym vyklikany dypłamatyčny kanflikt pamiž MZS Biełarusi i Estonijaj
Siońnia ŭ MZS Biełarusi vyklikali časovuju pavieranuju ŭ spravach Estonii ŭ Respublicy Biełaruś Tryin Chijesału. Joj paviedamili pra pryniataje rašeńnie ab skaračeńni štatu estonskaha pasolstva da samaha minimumu. Dypłamatcy paviedamili, što «va ŭmovach niepavažlivaha staŭleńnia da suvierenitetu našaj krainy z boku estonskaha kiraŭnictva» biełaruskaja ŭłada «nie bačyć sensu ŭ šyrokaj dypłamatyčnaj prysutnaści Estonii na svajoj terytoryi». Anałahičnym čynam i biełaruski bok skarocić svaju dypłamatyčnuju prysutnaść u Estonii. Pasoł Biełarusi ŭ Estonii adklikajecca na kansultacyi ŭ Minsk. Pradstaŭnik Abjadnanaha pierachodnaha kabinieta pa zamiežnych spravach Valeryj Kavaleŭski patłumačyŭ, čym vyklikanaja takaja reakcyja.
Pavodle Kavaleŭskaha, heta stała reakcyjaj na toje, što ministr zamiežnych spraŭ Estonii Urmas Rensału pryniaŭ aktyŭny ŭdzieł u mierapryjemstvach z udziełam Śviatłany Cichanoŭskaj na siesii Hienieralnaj asamblei AAN u Ńju-Jorku.
«Treba adznačyć, što Śviatłana Cichanoŭskaja sustrełasia z šeraham zamiežnych lidaraŭ na samym vyšejšym uzroŭni — z prezidentami, premjer-ministrami, ministrami zamiežnych spraŭ. Estonija nie była adzinaj krainaj, jakaja ŭchvaliła ŭdzieł Cichanoŭskaj na mierapryjemstvach siesii AAN», — havoryć Kavaleŭski.
Pavodle jaho, «da režymu pryjšło razumieńnie, što jany stracili manapoliju na pradstaŭleńnie Biełarusi ŭ AAN».
«Ciapier ad imia biełaruskaha naroda vystupaje Śviatłana Cichanoŭskaja. Mienavita jana raskazvaje historyju taho, što adbyvajecca ŭ našaj krainie, jak praciahvajucca represii, jak režym Łukašenki ŭciahvaje našu krainu ŭ vajnu suprać Ukrainy», — kaža Kavaleŭski.
«Ja mahu zapeŭnić pradstaŭnikoŭ režymu Łukašenki, ministerstva zamiežnych spraŭ, što my praciahniem našu pracu, što naša prysutnaść u AAN budzie pašyracca. Tam, dzie my možam dahrukacca, tam, dzie my možam raskazać pra situacyju ŭ Biełarusi, tam, dzie my možam damahčysia dadatkovaj padtrymki biełaruskamu narodu ŭ zmahańni za našu svabodu i za demakratyju ŭ Biełarusi», — padkreślivaje jon.
-
Čarha ŭ Polšču amal źnikła, ale ludzi ŭsio adno stajać pa 10 hadzin. Jak tak?
-
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
-
U Budsłavie vierniki razam z apostalskim nuncyjem pamalilisia za ŭrad Biełarusi
Kamientary