Aficyjny Tbilisi nie paćviardžaje infarmacyju ab zakryćci miažy z Rasijaj
Nijakich aficyjnych paćvierdžańniaŭ taho, što Hruzija z paniadziełka moža zakryć miažu z Rasijaj, niama — raniej ułady nieadnarazova zajaŭlali, što nie źbirajucca jak-niebudź abmiažoŭvać ujezd u krainu dla rasijan, paviedamlaje Newsgeorgia.ge.
Čutki ab tym, što miaža moža być začynienaja, pačali raspaŭsiudžvacca paśla intervju deputata ad apazicyjnaha «Adzinaha nacyjanalnaha ruchu» Nony Mamułašvili ŭkrainskamu telekanału «Freedom». Jana śćviardžała, što nieaficyjna atrymała infarmacyju pra toje, što ŭłady Hruzii zakryjuć ujezd z Rasii dla asob pryzyŭnoha ŭzrostu.
U pres-słužbie ŭrada newsgeorgia.ge admovilisia kamientavać hetuju infarmacyju, adznačyŭšy, što nie mohuć ničoha dadać da raniej zroblenych zajavaŭ.
Słužba dachodaŭ Minfina zajaviła, što punkt propusku na miažy z Rasijaj pracuje ŭ zvyčajnym kruhłasutačnym režymie.
Na Vierchnim Łarsie z rasijskaha boku ŭžo čaćviora sutak — vielizarny zator ź lehkavych mašyn, paśla abviaščeńnia mabilizacyi. Ułady Hruzii pakul nie nazvali kolkaść hramadzian Rasii, jakija zajechali za hetyja dni. Pavodle danych rasijskha boku, apošnija dni punkt propusku na Vierchnim Łarsie prachodziać da dvuch tysiač lehkavych aŭtamabilaŭ.
Na hetym tydni ŭ kirujučaj partyi Hruzii čarhovy raz vyklučyli ŭviadzieńnie vizavaha režymu i jakich-niebudź abmiežavańniaŭ dla hramadzian Rasii.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ4
Kamientary