Vialiki sakret maleńkaj kampanii

Padrabiaznaści ŭčarašniaj sustrečy premjer‑ministraŭ Biełarusi i Rasii nieviadomyja — ich nie kamientujuć ni ŭ Minsku, ni ŭ Maskvie. Miž tym viadoma, što sustreča Siarhieja Sidorskaha i Uładzimira Pucina ŭ Nova‑Aharovie doŭžyłasia jak minimum čatyry hadziny.

Jak patłumačyŭ BiełaPAN pres‑sakratar biełaruskaha premjera Alaksandr Cimašenka, sustreča była rabočaj, tamu nijakich paviedamleńniaŭ pa jaje vynikach nie płanujecca. Na sajtach uradaŭ Rasii i Biełarusi raźmieščany tolki karotkija paviedamleńni ab pačatku sustrečy Uładzimira Pucina i Siarhieja Sidorskaha z pratakolnaj zdymki, kudy byli dapuščany žurnalisty.

Miž tym čakałasia, što na pieramovach baki abmiarkujuć najbolš aktualnyja prablemy dvuchbakovych adnosin, u tym liku pytańni ab canie na haz i ab vydzialeńni Biełarusi kredytu.

5 kastryčnika vice‑premjer urada Rasii, ministr finansaŭ Alaksiej Kudryn zajaviŭ žurnalistam, što Rasija «pakul nie razhladaje» pytańnie ab vydzialeńni Biełarusi apošniaha tranšu kredytu. Havorka idzie pra 500 młn. dołaraŭ ZŠA z zajaŭlenaha raniej stabilizacyjnaha kredytu ŭ 2 młrd. dalaraŭ.

Što datyčyć koštu hazu, to prajekt biudžetu Biełarusi na 2010 hod sfarmavany zychodziačy z prahnozu siaredniehadavoj cany na haz u pamiery 166 dalaraŭ za tysiaču kubamietraŭ (zaraz — 115 dalaraŭ).

Adnak u «Hazpromie» nazyvali inšuju ličbu — 200 dalaraŭ. Akramia taho, «Hazprom» patrabuje ad Biełarusi likvidacyi zapazyčanaści za pastaŭleny ŭ 2009 hodzie haz.

Jak adznačaje rasijskaje vydańnie «Kommiersant'», pryjezdu Sidorskaha ŭ Maskvu «žurnalisty čakali z asablivaj nieciarplivaściu». «Intares da jaho vizitu pastaraŭsia padahreć biełaruski prezident Alaksandr Łukašenka, jaki napiaredadni vykazaŭ masu paprokaŭ Uładzimiru Pucinu, i najpierš u hazavaj ahresii Rasii ŭ dačynieńni da Biełarusi (havorka idzie ab zajavach Łukašenki, zroblenych 2 kastryčnika na pres‑kanfierencyi dla rasijskich žurnalistaŭ u Minsku. — BiełaPAN.). Ad Uładzimira Pucina čakali ciapier pa mienšaj miery adekvatnaha adkazu, pryčym nie tolki rasijskija, ale i navat pierš za ŭsio biełaruskija žurnalisty, jakija pryjechali ŭčora ŭ Nova‑Aharova. Ale adkazu nichto nie pačuŭ», — piša «'» 7 kastryčnika.

«Nie vyklučana, što adzinym vynikam jarkaha vystupleńnia spadara Łukašenki pierad rasijskimi žurnalistami z nahody Uładzimira Pucina stanie poŭnaje ihnaravańnie biełaruskaha prezidenta z boku rasijskaha premjera — pa hruzinskaj, naprykład, madeli», — ličyć vydańnie.

Na dumku «'», u takoj situacyi pasiadžeńni Savieta ministraŭ i Vyšejšaha dziaržsavieta Sajuznaj dziaržavy, jakija płanujecca pravieści ŭ Maskvie ŭ kastryčniku i listapadzie adpaviedna, niepažadanyja.

«Pa‑pieršaje, spadar Pucin nie śćviardžaŭ, što pasiadžeńnie Saŭmina 28 kastryčnika i na samoj spravie adbudziecca, a pa‑druhoje, havaryŭ ab Vyšejšym dziaržsaviecie tak, jak byccam na im nichto, akramia Siarhieja Sidorskaha, pradstaŭlać Biełaruś nie budzie i, hałoŭnaje, nie zmoža. (I na samoj spravie, ciažka sabie ŭjavić, što Alaksandr Łukašenka paśla ŭsiaho skazanaha im jak ni ŭ čym nie byvała pryjedzie ŭ Maskvu, a rasijskaje kiraŭnictva jaho jak ni ŭ čym nie byvała prymie. Heta značyć u intaresach i taho i druhich nie bačycca adzin z adnym.)», — adznačaje «'».

• 0
• 0
• 0
• 0
• 0
• 0
• 0
• 0