Nazvanyja pieramožcy kinafiestyvalu «Listapad». Pieramohu atrymała karcina Piatra Tadaroŭskaha
Učora ŭ kinateatry «Maskva» prajšła cyrymonija zakryćcia XXVIII Minskaha mižnarodnaha fiestyvalu «Listapad». Byli nazvanyja pieramožcy kinafestu, paviedamlaje «Źviazda».
Adrazu niekalki hanarovych uznaharod atrymaŭ film «Zdarovy čałaviek» rasijskaha režysiora Piatra Tadaroŭskaha. Stužcy prysudzili śpiecyjalny pryz Łukašenki «Za humanizm i duchoŭnaść u kino». Premjera filma padčas kinafiestyvalu adbyłasia 5 listapada. Hałoŭnyja roli ŭ karcinie vykanali Mikita Jafremaŭ, Iryna Staršenbaŭm, Jaŭhien Tkačuk.
Mienavita stužka Piatra Tadaroŭskaha pieramahła ŭ konkursie — «Zdarovy čałaviek» atrymaŭ hran-pry «Zołata Listapada».
Pryz za najlepšuju žanočuju rolu atrymała Śviatłana Čujkina, jakaja vykanała hałoŭnuju rolu ŭ filmie «Płakać nielha». Pryz za najlepšuju mužčynskuju rolu — u Aleha Čuhunova za rabotu ŭ karcinie «Zdarovy čałaviek».
Pryz hladackich simpatyj za najlepšy ihravy film atrymała kitajskaja stužka «Siastra» režysiora Žasiń Iń.
Hran-pry za najlepšy dakumientalny film udastojena rabota «Ahoń» rasijskaha režysiora Hanny Jankoŭskaj.
Najlepšaj stužkaj konkursu animacyjnych filmaŭ stała karcina Adama Sijiara, Habryel Sielne i Chłoi Far «Byvaj, Žerom!», Francyja. A najlepšym animacyjnym filmam dla dziaciej — rabota režysiora Ury Łotana «Čornaja horka», Izrail-Vialikabrytanija.
Śpiecyjalny pryz SND «Kino bieź miežaŭ» za raźvićcio kulturnaha supracoŭnictva i ŭmacavańnie siabroŭstva pamiž narodami ŭručany tvorčamu kalektyvu ihravoha kyrhyzskaha filma «Šambała», režysior Artykpaj Sujundukaŭ.
Pryzam pradstaŭnictva Miždziaržaŭnaj teleradyjokampanii «MIR» u Biełarusi «Mova kino — mova družby» ŭznaharodžany film Akrama Šachnazarava «101-rejs» (Uźbiekistan).
Śpiecyjalny pryz žury za najlepšy film fiestyvalu prysudzili sierbskaj stužcy «Prebiłaŭcy — tam navat u kamianioŭ jość šnary», režysior Sania Drahičevič Babič.
Ciapier čytajuć
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma6
Kamientary