Bună Dimineaţa!

Na samit SND u Kišyniovie, što pačniecca ŭ piatnicu, nie pryjeduć adrazu čatyry prezidenty.

Upieršyniu forum praihnaruje kiraŭnik Kazachstana Nursułtan Nazarbajeŭ, jaki ličycca adzinym biesprablemnym sajuźnikam Maskvy na postsavieckaj prastory i ź jakim taja nie maje nijakich kanfliktaŭ.

U nadziei na sustreču ź Dźmitryjem Miadźviedzievym płanavaŭ pryjechać Viktar Juščanka. Adnak u Kramli zajaŭlajuć, što rasijski prezident takoj sustrečy ŭ svaim hrafiku nie maje. A značyć, udzieł ukrainskaha prezidenta zastajecca pad vialikim pytańniem.

U samicie SND nie prymuć udzieł kiraŭniki Kazachstana, Uźbiekistana, Turkmienistana i Tadžykistana.

Zamiest Nursułtana Nazarbajeva i Emamali Rachmona ŭ Małdovu pryjeduć premjer‑ministry Kazachstana i Tadžykistana. Turkmienskaha lidera Kurbanhuły Bierdymuchamiedava zamienić vice‑premjer, a Uźbiekistan pakul nie vyznačyŭsia, chto ŭznačalić delehacyju krainy.

Lidery krain siarednieazijackaha rehijonu zładzili svoj asobny samit u Ašchabadzie.

Nie vyklučana, što tam źjavicca i kiraŭnik Kazachstanu Nazarbajeŭ. U administracyjach prezidentaŭ spasyłajucca na zahružany pracoŭny hrafik. Na movie dypłamatyčnych znosinaŭ toje časta aznačaje prostaje niežadańnie prysutničać na nieabaviazkovym i druhasnym mierapryjemstvie. U adsutnaść prezidentaŭ ź Siaredniaj Azii na samicie budzie zaćvierdžana rasijskaje staršynstva ŭ SND u 2010 hodzie. Płanujecca taksama abmierkavać sumiesnyja miery pa supraćdziejańni suśvietnamu finansava‑ekanamičnaha kryzisu ŭ krainach SND i pytańni, što datyčać invientaryzacyi dahavorna‑pravavoj bazy Sadružnaści, u tym liku z ulikam aficyjnaha vychadu Hruzii sa składu SND u žniŭni hetaha hoda.

Płanujecca, što na kišynioŭskim samicie projdzie trochbakovaja sustreča prezidentaŭ Rasii, Armienii i Azierbajdžana pa ŭrehulavańniu situacyi ŭ Nahornym Karabachu. Adnak čakać ad jaje niejkich praryvaŭ u vyrašeńni hetaj prablemy nie varta. Uličvajučy, što adzinym bokam, jaki zacikaŭleny ŭ isnavańni kanfliktu, źjaŭlajecca mienavita Rasija.

U vyniku kišynioŭski samit kiraŭnikoŭ krain‑udzielnic SND pieratvarajecca ŭ sustreču pa intaresach.

Važnyja rašeńni tam nichto prymać nie płanuje. Składajecca ŭražańnie, što taki stan rečaŭ zadavalniaje ŭsich. Pytańni, źviazanyja ź biaśpiekaj albo haspadarkaj, daŭno vyrašajucca na inšych mierapryjemstvach. A SND pastupova pieratvarajecca ŭ adzin ź simvałaŭ byłoha adzinstva intaresaŭ. Tolki što, u adroźnieńnie ad SSSR, SND navat razvalvać nie treba. Adzinaj realna isnujučaj častkaj hetaj arhanizacyi zastaŭsia chiba minski ofis.

AP, pavodle Hazieta.ru

• 0
• 0
• 0
• 0
• 0
• 0
• 0
• 0