Novy pakiet padtrymki biełaruskaj hramadzianskaj supolnaści ad ES budzie, ale nie 100 miljonaŭ jeŭra
Učora pa biełaruskich ŚMI prajšła infarmacyja, što praź niekalki tydniaŭ budzie abvieščany novy pakiet padtrymki biełaruskaj hramadzianskaj supolnaści ažno na 100 młn jeŭra. Pra heta ŭčora nibyta paviedamiŭ pradstaŭnik Jeŭrakamisii Jerun Vilems. Padtrymka sapraŭdy budzie, ale, jak akazałasia, na sumu značna bolš ścipłuju.
Akazałasia, što 100 miljonaŭ jeŭra — heta ahulny abjom dapamohi, akazanaj Jeŭrasajuzam sa žniŭnia 2020 hoda. Nieparazumieńnie ž uźnikła z-za niedakładnaha sinchronnaha pierakładu padčas mierapryjemstva, piša «Pozirk».
Na samaj spravie słovy jeŭrapiejskaha pradstaŭnika hučali tak:
«Praź niekalki dzion my aficyjna zapuścim novy štohadovy pakiet padtrymki naroda Biełarusi. Kali ŭ pačatku nastupnaha tydnia hety pakiet budzie pryniaty, abjom akazanaj nami sa žniŭnia 2020 hoda dapamohi biełaruskamu narodu pieravysić 100 miljonaŭ jeŭra, pryznačanych dla padtrymki hramadzianskaj supolnaści».
Čytajcie taksama:
Pradstaŭnik Jeŭrakamisii anansavaŭ novy pakiet dapamohi hramadzianskaj supolnaści Biełarusi
Łukašenka pamiłavaŭ eks-kiraŭnika svajoj achovy Uciuryna7
Kamientary
A tak vsio chorošo orhanizovał!