Washington Post: Respublikancy padtrymlivajuć aŭdyt dapamohi ZŠA Ukrainie
Amierykanskaja Washington Post piša, što členy Pałaty pradstaŭnikoŭ ad Respublikanskaj partyi vyrašyli padtrymać ideju aŭdytu vajennaj dapamohi, jakuju ZŠA dajuć Ukrainie.
Rezalucyju z patrabavańniem aŭdytu prapanavała viadomaja prychilnica Donalda Trampa Mardžary Tejłar-Hryn, jakaja rezka krytykavała rašeńnie administracyi Bajdena akazać Ukrainie maštabnuju vajennuju i ekanamičnuju padtrymku.
Choć raniej Tejłar-Hryn ličyłasia dosyć marhinalnym palitykam (dy i ciapier nie pradstaŭlaje mierkavańnie bolšaści respublikancaŭ), uzmacnieńnie kantrolu nad dapamohaj Ukrainie pačali padtrymlivać mnohija bolš tradycyjnyja členy Respublikanskaj partyi, paviedamlaje Washington Post.
U vyniku rezalucyja moža być uchvalenaja ŭžo ŭ pačatku nastupnaha hoda, kali źbiarecca abnoŭlenaja na listapadaŭskich vybarach Pałata pradstaŭnikoŭ (ciapier bolšaść u joj atrymali respublikancy). U prajekcie dakumienta ŭtrymlivajecca patrabavańnie ciaham dvuch tydniaŭ pieradać u Kanhres usie dakumienty, źviazanyja z dapamohaj ZŠA Ukrainie.
Niekatoryja respublikancy, što praciahvajuć padtrymlivać dapamohu Ukrainie, hatovyja prahałasavać za rezalucyju, pakolki jana nie zaklikaje da skaračeńnia jaje abjomaŭ — ni ŭžo adobranych, ni zapłanavanych u budučyni.
«Tut idzie havorka ab padspravazdačnaści. Idzie havorka ab prazrystaści. Čaho my baimsia? Miljardy i miljardy dalaraŭ iduć u inšuju krainu», — cytuje hazieta respublikanskaha kanhresmiena Cima Burčeta.
Hazieta taksama paviedamlaje sa spasyłkaj na danyja manitorynhu Čykahskaj rady pa mižnarodnych daśledavańniach, što siarod členaŭ Respublikanskaj partyi ŭ niejkau stupieni źniziŭsia ŭzrovień padtrymki Ukrainy. Pavodle apošniaha apytańnia hetaha analityčnaha centra, za adpraŭku vajskovaj dapamohi vystupajuć 55% respublikancaŭ (u paraŭnańni z 68% u lipieni i 80% — u sakaviku). Pry hetym, pa danych apytańnia, pałova respublikancaŭ padtrymlivaje ekanamičnuju dapamohu Kijevu (pry tym, što ŭ sakaviku takich było prykładna try čverci).
ZŠA źjaŭlajucca najbujniejšym donaram Ukrainy. Hazieta nahadvaje, što sa žniŭnia 2021 hoda Vašynhton abviaściŭ užo pra 25 tranšaŭ vajennaj dapamohi, i jaje ahulny abjom skłaŭ amal 20 młrd dalaraŭ.
Kamientary
U trampistov, vielikije SŠA tohda, kohda oni izollirovany ot ostalnoho mira, no s diešievym bienzinom i hamburhierom.
Riešiť problemu Kriemla, Putina, Kitaja i ostalnych diktatur, tratami 0,3℅ VVP i žiźniami ukrainciev, a nie žiźniami amierikanciev i razrušienijem SŠA, stoit DOROHOHO.....