Rasija praciahvaje rakietny teror navat na Novy hod. Dziasiatki rakiet i «Šachiedaŭ» vypuścili pa haradach Ukrainy
U Kijevie čuvać vybuchi.
Vybuchi prahrymieli ŭ Kijevie adrazu ŭ troch rajonach — Sałomienskim, Piačerskim i Hałasiejeŭskim. Jość razbureńni.
«Adzin z vybuchaŭ prahrymieŭ pamiž žyłymi damami ŭ Sałomienskim rajonie stalicy», — raspavioŭ mer Kijeva Vital Kličko.
Akramia taho, pavodle jaho słoŭ, vybuchi adbylisia ŭ Piačerskim rajonie i Hałasiejeŭskim.
«Jość razbureńni. Ratavalniki i miedyki iduć na miescy», — dadaŭ jon.
Abłomki rakiety taksama trapili ŭ pryvatny dom u Sałomienskim rajonie.
U Mikałajevie šaściora paranienych, traich ź ich špitalizavali, taksama ŭ horadzie pažar.
U Zaparožžy paškodžany žyły dom, infarmacyja pra paciarpiełych udakładniajecca.
U Chmialnickim ranieńni atrymali sama mieniej čaćviora mirnych žycharoŭ.
U Kramatorsku ŭdar pryjšoŭsia pa pramysłovaj zonie, pavodle papiaredniaj infarmacyi, achviaraŭ niama.
Kamientary