U Biełarusi značna čaściej stali znachodzić padroblenyja dalary
Kolkaść vyjaŭlenych padroblenych dalaraŭ ZŠA ŭ Biełarusi pavialičyłasia za studzień-vierasień 2022 hoda na 87,7%. Pry hetym kolkaść vyjaŭlenych falšyvych rasijskich rubloŭ skaraciłasia, padaŭ statystyku Nacyjanalny bank.
Bankaŭskija rabotniki pa vynikach troch kvartałaŭ 2022 hoda vyjavili 705 padroblenych banknot, padroblenyja maniety im nie sustrakalisia. Asnoŭnaja kolkaść vyjaŭlenych falšyvych banknot — heta dalary ZŠA (84,4%).
Dola padroblenych rasijskich rubloŭ skłała 9,9%, jeŭra — 4,5%, biełaruskich rubloŭ — 1,0%, inšych valut — 0,1%.
U paraŭnańni z anałahičnym pieryjadam 2021 hoda ahulnaja kolkaść vyjaŭlenych padroblenych hrašovych znakaŭ pavialičyłasia na 19,9%. Kolkaść vyjaŭlenych padroblenych dalaraŭ ZŠA pavialičyłasia na 87,7%. U toj ža čas źmienšyłasia na 68,5% kolkaść vyjaŭlenych padroblenych rasijskich rubloŭ, na 27,3% — jeŭra. Kolkaść padrobak biełaruskich rubloŭ pavialičyłasia ŭ absalutnym vyražeńni ŭsiaho na 3 štuki.
66,5 pracenta ŭsich padroblenych hrašovych znakaŭ vyjaŭlena ŭ Minsku, u abłaściach Biełarusi — u miežach 3,1—9,5%. Uvohule ž padroblenyja hrašovyja znaki byli znojdzienyja ŭ 49 nasielenych punktach.
Siarod padroblenych banknot pieravažali dalary ZŠA: a mienavita banknoty naminałami 100 i 50 dalaraŭ — 77,6% i 21,0% adpaviedna.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary