Uviečary 28 studzienia kala Śviata-Duchava kafiedralnaha sabora ŭ Minsku dźvie 15-hadovyja dziaŭčynki padpalvali abraz Božaj Maci Minskaj. Pry hetym jany fatahrafavali svaje dziejańni i zdymali ich na videa, paviedamiŭ Śledčy kamitet.
Pavodle materyjałaŭ śledstva, spyniła dziaŭčat prychadžanka, jakaja zabrała ŭ ich abraz i adniesła jaho ŭ carkvu. Sami ž dziaŭčaty spačatku syšli, ale paśla ich znajšli i zatrymali.
Dziaŭčaty vučacca ŭ 10-m kłasie adnoj sa staličnych škoł, u dačynieńni da ich zaviali kryminalnuju spravu pa č. 2 art. 339 (złosnaje chulihanstva) Kryminalnaha kodeksa. Śledčyja śćviardžajuć, što nibyta ŭ mabilnym telefonie adnoj ź ich «vyjaŭlenyja fota svastyki i inšyja fota nacysckaj nakiravanaści».
Z prykładzienaha da paviedamleńnia videa zrazumieć, jakaja była meta hetaj akcyi, niemahčyma: na videa adna ź dziaŭčat raskazvaje tolki pra jaje techničny bok.
Kamientary