Увечары 28 студзеня каля Свята-Духава кафедральнага сабора ў Мінску дзве 15-гадовыя дзяўчынкі падпальвалі абраз Божай Маці Мінскай. Пры гэтым яны фатаграфавалі свае дзеянні і здымалі іх на відэа, паведаміў Следчы камітэт.
Паводле матэрыялаў следства, спыніла дзяўчат прыхаджанка, якая забрала ў іх абраз і аднесла яго ў царкву. Самі ж дзяўчаты спачатку сышлі, але пасля іх знайшлі і затрымалі.
Дзяўчаты вучацца ў 10-м класе адной са сталічных школ, у дачыненні да іх завялі крымінальную справу па ч. 2 арт. 339 (злоснае хуліганства) Крымінальнага кодэкса. Следчыя сцвярджаюць, што нібыта ў мабільным тэлефоне адной з іх «выяўленыя фота свастыкі і іншыя фота нацысцкай накіраванасці».
З прыкладзенага да паведамлення відэа зразумець, якая была мэта гэтай акцыі, немагчыма: на відэа адна з дзяўчат расказвае толькі пра яе тэхнічны бок.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары