Žychar Śvietłahorska padraŭ kurtku i źviarnuŭsia z hetym na pramuju liniju namieśnika hubiernatara. Što toj adkazaŭ?
Namieśnik staršyni Homielskaha abłvykankama Dźmitryj Alejnikaŭ pravioŭ pramuju telefonnuju liniju. Ź jakimi pytańniami ludzi źviartajucca da čynoŭnikaŭ, piša «Homielskaja praŭda».
U asnoŭnym žychary vobłaści skardziacca na kamunalnyja prablemy, ale adzin sa zvarotaŭ vybivaŭsia z ahulnaha šerahu.
Žychar Śvietłahorska na vychadzie z handlovaha centra začapiŭsia za vostry kavałak mietału i padraŭ skuranuju kurtku, jakuju jon kupiŭ u Maskvie za 300 dalaraŭ.
Mužčyna pajšoŭ da administracyi z prośbaj kampiensavać naniesienuju škodu. Tam jamu prapanavali adramantavać vopratku i, pa słovach paciarpiełaha, pryhrazili jurystami.
Śvietłahorac z takoj prapanovaj nie pahadziŭsia (jon nie choča chadzić u cyravanaj kurtcy) i nie znajšoŭ inšaha rašeńnia, jak pazvanić namieśniku hubiernatara. Dźmitryj Alejnikaŭ pazvaniŭ u Śvietłahorski rajvykankam i paprasiŭ terminova vyjechać na miesca i razabracca z kavałkam mietału, jaki tyrčyć.
Što čynoŭnik zahadaŭ zrabić sa skuranoj kurtkaj žychara Śvietłahorska, zastałosia pa-za materyjałam dziaržSMI.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj13
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2727
Kamientary
cišej, tavaryš, cišej.. nie treba tak chvalavacca.. licij užo na padychodzie)