Apublikavali skład kamisii, jakaja budzie vyznačać los «źbiehłych». Jon demanstratyŭna adyjozny
Skład kamisii apublikavany na sajcie Łukašenki, paviedamlaje BiełTA. Pry jaho farmavańni stvaralniki vidavočna namahalisia demanstratyŭna ŭklučyć u jaje asob, jakija majuć najadyjoźniejšuju reputacyju.
Adzin z členaŭ kamisii Dźmitryj Baskaŭ
Staršynioj kamisii, jak raniej užo nieadnarazova paviedamlałasia, źjaŭlajecca hienieralny prakuror Andrej Švied. U jaho buduć dva namieśniki — Valeryj Hajdukievič i Alaksiej Stuk, jakija pracujuć na pasadach namieśnika staršyni pastajannaj kamisii Savieta Respubliki pa mižnarodnych spravach i nacyjanalnaj biaśpiecy i namieśnika hienieralnaha prakurora.
Astatnija členy kamisii:
- teleprapahandyst Ryhor Azaronak;
- ministr zamiežnych spraŭ Siarhiej Alejnik;
- ciapierašni kiraŭnik fiederacyi chakieja, były viaślar Alaksandr Bahdanovič;
- kolišni kiraŭnik fiederacyi chakieja, a ciapier «sienatar» Dźmitryj Baskaŭ;
- hienieralny dyrektar navukova-technałahičnaj asacyjacyi «Infapark» Uładzimir Baśko;
- staršynia kamiteta pa achovie zdaroŭja Minskaha harvykankama Alena Bohdan;
- pierabiežčyk z apazicyi, zasnavalnik «Kruhłaha stała demakratyčnych sił» Juryj Vaskrasienski;
- kiraŭnica biełaruskich pijanieraŭ Alaksandra Hančarova;
- staršynia Śledčaha kamiteta Dźmitryj Hara;
- kiraŭnik «Biełaruskaha tavarystva «Viedy», viadomy prapahandyst Vadzim Hihin;
- hałoŭny vučony sakratar Nacyjanalnaj akademii navuk Biełarusi Vasil Hurski;
- rektar Akademii paśladypłomnaj adukacyi, «sienatar» Aleh Dźjačenka;
- rektarka Univiersiteta kultury Natalla Karčeŭskaja;
- ministr unutranych spraŭ Ivan Kubrakoŭ;
- staršynia Dziaržaŭnaha pamiežnaha kamiteta Anatol Łapo;
- deputatka Pałaty pradstaŭnikoŭ Maryna Lančeŭskaja;
- kiraŭnik «Druhoha nacyjanalnaha telekanała» Marat Markaŭ;
- deputat Pałaty pradstaŭnikoŭ Alaksandr Markievič;
- dyrektar Departamienta finansavych rasśledavańniaŭ Ihar Maršałaŭ;
- prapahandyst Andrej Mukavozčyk;
- teleprapahandyst Jaŭhien Pustavy;
- namieśnik staršyni arhanizacyi «Patryjoty Biełarusi» Hanna Charuta;
- staršynia Kamiteta dziaržaŭnaj biaśpieki Ivan Cierciel;
- staršynia Biełaruskaj respublikanskaj kalehii advakataŭ Alaksiej Švakoŭ;
- staršynia Biełaruskaha sajuza žančyn Volha Špileŭskaja;
- staršynia Nacyjanalnaj dziaržaŭnaj teleradyjokampanii Ivan Ejsmant.
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ1
Kamientary