Апублікавалі склад камісіі, якая будзе вызначаць лёс «збеглых». Ён дэманстратыўна адыёзны
Склад камісіі апублікаваны на сайце Лукашэнкі, паведамляе БелТА. Пры яго фармаванні стваральнікі відавочна намагаліся дэманстратыўна ўключыць у яе асоб, якія маюць найадыёзнейшую рэпутацыю.
Адзін з членаў камісіі Дзмітрый Баскаў
Старшынёй камісіі, як раней ужо неаднаразова паведамлялася, з'яўляецца генеральны пракурор Андрэй Швед. У яго будуць два намеснікі — Валерый Гайдукевіч і Аляксей Стук, якія працуюць на пасадах намесніка старшыні пастаяннай камісіі Савета Рэспублікі па міжнародных справах і нацыянальнай бяспецы і намесніка генеральнага пракурора.
Астатнія члены камісіі:
- тэлепрапагандыст Рыгор Азаронак;
- міністр замежных спраў Сяргей Алейнік;
- цяперашні кіраўнік федэрацыі хакея, былы вясляр Аляксандр Багдановіч;
- колішні кіраўнік федэрацыі хакея, а цяпер «сенатар» Дзмітрый Баскаў;
- генеральны дырэктар навукова-тэхналагічнай асацыяцыі «Інфапарк» Уладзімір Басько;
- старшыня камітэта па ахове здароўя Мінскага гарвыканкама Алена Богдан;
- перабежчык з апазіцыі, заснавальнік «Круглага стала дэмакратычных сіл» Юрый Васкрасенскі;
- кіраўніца беларускіх піянераў Аляксандра Ганчарова;
- старшыня Следчага камітэта Дзмітрый Гара;
- кіраўнік «Беларускага таварыства «Веды», вядомы прапагандыст Вадзім Гігін;
- галоўны вучоны сакратар Нацыянальнай акадэміі навук Беларусі Васіль Гурскі;
- рэктар Акадэміі паслядыпломнай адукацыі, «сенатар» Алег Дзьячэнка;
- рэктарка Універсітэта культуры Наталля Карчэўская;
- міністр унутраных спраў Іван Кубракоў;
- старшыня Дзяржаўнага памежнага камітэта Анатоль Лапо;
- дэпутатка Палаты прадстаўнікоў Марына Лянчэўская;
- кіраўнік «Другога нацыянальнага тэлеканала» Марат Маркаў;
- дэпутат Палаты прадстаўнікоў Аляксандр Маркевіч;
- дырэктар Дэпартамента фінансавых расследаванняў Ігар Маршалаў;
- прапагандыст Андрэй Мукавозчык;
- тэлепрапагандыст Яўген Пуставы;
- намеснік старшыні арганізацыі «Патрыёты Беларусі» Ганна Харута;
- старшыня Камітэта дзяржаўнай бяспекі Іван Церцель;
- старшыня Беларускай рэспубліканскай калегіі адвакатаў Аляксей Швакоў;
- старшыня Беларускага саюза жанчын Вольга Шпілеўская;
- старшыня Нацыянальнай дзяржаўнай тэлерадыёкампаніі Іван Эйсмант.
Цяпер чытаюць
Памілаваныя 15 чалавек, сярод якіх 13 палітвязняў12
Каментары