Jakija biełaruskija čynoŭniki i dziejačy apazicyi skončyli MHIMO i rasijskija vajskovyja vučelni
MZS Polščy dniami paviedamiła, što zvolniła ŭsich vypusknikoŭ MHIMO (Maskoŭskaha dziaržaŭnaha instytuta mižnarodnych adnosin) ź mierkavańniaŭ nacyjanalnaj biaśpieki. «Naša Niva» pahladzieła, chto ź biełaruskich čynoŭnikaŭ, palitykaŭ i siłavikoŭ skančaŭ rasijskija ŭniviersitety. Siarod ich jość namienkłatura Łukašenki i niekatoryja pradstaŭniki demakratyčnych sił.
Viktar Chrenin
Fota: BiełTA
Ministr abarony ŭ 1992 hodzie skončyŭ Omskaje vyšejšaje ahulnavajskovaje kamandnaje vučylišča imia M.V.Frunze.
U 2005-m — Vajskovuju akademiju ŭ Biełarusi, u 2014-m — fakultet Hienieralnaha štaba Vajskovaj akademii z adznakaj i załatym miedalom.
Viktar Hulevič
Pieršy namieśnik ministra abarony ŭ 1990 hodzie z adznakaj skončyŭ Maskoŭskaje vyšejšaje ahulnavajskovaje kamandnaje vučylišča.
U 2002-m — Vajskovuju akademiju ŭ Biełarusi.
Dźmitryj Hara
Fota: BiełTA
Staršynia Śledčaha kamiteta (vychadziec z Kamiteta dziaržaŭnaj biaśpieki) u 1993 hodzie skončyŭ Vajskovy Čyrvanaściažny instytut u Maskvie pa śpiecyjalnaści «Pravaznaŭstva».
U 2018-m — Akademiju kiravańnia pry Łukašenku pa śpiecyjalnaści «Dziaržaŭnaje kiravańnie i ekanomika».
Aleh Biełakonieŭ
Foto: cesor.net
Deputat Pałaty pradstaŭnikoŭ u 1987 hodzie z adznakaj skončyŭ Omskuju vyšejšuju ahulnavajskovuju kamandnuju vučelniu imia M. V. Frunze.
U 1999-m — z adznakaj i załatym miedalom Vajskovuju akademiju ŭ Biełarusi, a ŭ 2010 hodzie z takimi ž pośpiechami fakultet Hienieralnaha štaba Vajskovaj akademii.
Anatol Vasiljeŭ
Fota: sk.gov.by
Namieśnik staršyni Śledčaha kamiteta ŭ 2000 hodzie skončyŭ Akademiju FSB Rasijskaj Fiederacyi pa śpiecyjalnaści «Jurysprudencyja».
U 2020-m — Akademiju kiravańnia pry Łukašenku pa śpiecyjalnaści «Dziaržaŭnaje kiravańnie nacyjanalnaj ekanomikaj».
Ihar Pietryšenka
Fota: BiełTA
Namieśnik premjer-ministra ŭ 1986 hodzie skončyŭ Vilenskaje kamandnaje vučylišča radyjoelektroniki.
U 1992-m advučyŭsia ŭ Vajskovym Čyrvanaściažnym instytucie ŭ Maskvie. U 1998-m skončyŭ biełaruskuju Akademiju kiravańnia.
Alaksandr Valfovič
Fota: BiełTA
Sakratar Rady biaśpieki ŭ 1988-m skončyŭ Maskoŭskuju vajskovuju ahulnavajskovuju kamandnuju vučelniu.
U 2005-m advučyŭsia ŭ Vajskovaj akademii ŭ Biełarusi. A praz try hady skončyŭ Vajskovuju akademiju Hienieralnaha štaba Rasijskaj Fiederacyi.
Valer Capkała
Palityk u 1982—1984 hadach vučyŭsia ŭ Biełaruskim technałahičnym instytucie ŭ Minsku.
U 1984 hodzie byŭ pryzvany ŭ armiju, prachodziŭ słužbu ŭ Rakietnych vojskach stratehičnaha pryznačeńnia ŭ horadzie Chmialnicki.
Paśla słužby ŭ 1986 hodzie z druhoj sproby pastupiŭ u Maskoŭski dziaržaŭny instytut mižnarodnych adnosin, jaki skončyŭ z adznakaj.
Andrej Sańnikaŭ
U 1977-m palityk advučyŭsia na pierakładčyckim fakultecie Minskaha dziaržaŭnaha piedahahičnaha instytuta zamiežnych moŭ.
U 1989 hodzie skončyŭ Dypłamatyčnuju akademiju Ministerstva zamiežnych spraŭ SSSR u Maskvie.
Valer Sachaščyk
Fota: Radyjo Svaboda
«Ministr abarony» Abjadnanaha pierachodnaha kabinieta skončyŭ Maskoŭskuju vyšejšuju kamandnuju vučelniu i Vajskovuju akademiju ŭ Biełarusi.
Uładzimir Astapienka
Kiraŭnik Misii demakratyčnych sił Biełarusi ŭ Bruseli ŭ 1985 hodzie skončyŭ Maskoŭski MHIMO.
Uładzimir Andrejčanka
Fota: BiełTA
Staršynia Pałaty pradstaŭnikoŭ u 1977 hodzie skončyŭ Vialikałucki sielskahaspadarčy instytut (VNU ŭ horadzie Vialikija Łuki Pskoŭskaj vobłaści), u 1988-m — Minskuju vyšejšuju partyjnuju škołu.
Stanisłaŭ Zaś
Były hienieralny sakratar ADKB u 1985 hodzie z adznakaj skončyŭ Bakinskaje vyšejšaje ahulnavajskovaje kamandnaje vučylišča.
U 1996 z adznakaj i załatym miedalom — Vajskovuju akademiju Respubliki Biełaruś, a ŭ 2005-m taksama z adznakaj i załatym miedalom Vajskovuju akademiju Hienieralnaha štaba Uzbrojenych Sił Rasijskaj Fiederacyi.
Mikałaj Karpiankoŭ
Fota: BiełTA
Namieśnik ministra ŭnutranych spraŭ u 1989-m skončyŭ Uljanaŭskuju hvardziejskuju vyšejšuju tankavuju kamandnuju vučelniu imia U. I. Lenina, u 2002 hodzie — Akademiju MUS.
Valeryj Hajdukievič
Fota: BiełTA
Člen Savieta Respubliki advučyŭsia ŭ Razanskaj vyšejšaj pavietrana-desantnaj kamandnaj vučelni, Vajskovaj akademii imia M.V.Frunze ŭ Maskvie i Akademii kiravańnia pry Łukašenku.
Siarhiej Rudy
Fota: «SB. Biełaruś siehodnia»
Namieśnik ministra adukacyi jašče ŭ SSSR skončyŭ Sumskuju vyšejšuju artyleryjskuju kamandnuju vučelniu imia M.V.Frunze i Vajskovuju artyleryjskuju akademiju imia M.Kalinina ŭ Sankt-Pieciarburhu.
Čytajcie taksama:
«Rana 9 žniŭnia zaciahniecca». Što deputaty i deputatki pościać u sacsietkach ŠMAT FOTA
Aleksin i były biełaruski deputat trymali miljony jeŭra ŭ šviejcarskim banku
U Dziarždumie prapanavali ścierci tvar Barbary Brylskaj u filmie «Ironija losu». Bo taja raskrytykavała Rasiju
Ciapier čytajuć
Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj6
Kamientary
Biełaruskija VNU pa-nad usio!