Vajskovyja suviazisty adpracujuć novyja sposaby arhanizacyi suviazi
Ministerstva abarony 20—24 sakavika pravodzić kantrolnyja zaniatki pa taktyka-śpiecyjalnaj padrychtoŭcy. Imi kiruje načalnik suviazi Uzbrojenych sił, pałkoŭnik Vadzim Ramaniŭ.
U chodzie kantrolnych zaniatkaŭ płanujecca praktyčnaje vykanańnie mierapryjemstvaŭ pa naroščvańni i funkcyjanavańni sistemy suviazi Uzbrojenych sił u ramkach płanamiernaj padrychtoŭki vojskaŭ suviazi da sumiesnaha apieratyŭnaha vučeńnia Uzbrojenych Sił Respubliki Biełaruś i Rasijskaj Fiederacyi «Ščyt sajuza — 2023».
Taksama na zaniatkach praciahniecca aprabacyja novych form i sposabaŭ arhanizacyi suviazi i bajavoha prymianieńnia vuzłoŭ suviazi punktaŭ kiravańnia z ulikam vopytu sučasnych uzbrojenych kanfliktaŭ.
Z pačatkam zaniatku asnoŭnyja siły i srodki voinskich čaściej i padraździaleńniaŭ suviazi svoječasova vysunulisia ŭ rajon vykanańnia zadač, paviedamlaje Minabarony.
Kamientary