Ministr kultury pryznaŭ deficyt kadraŭ u biełaruskaj kultury. Z hetaj nahody sabrali cełuju naradu
Pieršaje pasiadžeńnie rady pa kultury pry Ministerstvie kultury prajšło ŭ Nacyjanalnaj biblijatecy. Tema pasiadžeńnia — «Ab realizacyi kadravaj palityki i padrychtoŭcy śpiecyjalistaŭ u śfiery kultury», pieradaje BIEŁTA.
«Śfiera kultury adčuvaje nieabchodnaść u abnaŭleńni kadraŭ. Surjoznaje pytańnie z reziervam kadraŭ. My pavinny pracu vybudavać na inšym uzroŭni, kab u vypadku nieabchodnaści była łaŭka zapasnych — tych, chto zmoža ŭ luby čas pryjści i dalej prasoŭvać idei ŭ śfiery kultury i vykonvać jakasna svaje prafiesijnyja abaviazki.
Heta zakon dla kožnaj śfiery, i śfiera kultury nie zjaŭlajecca tut niejkim vyklučeńniem», — ličyć ministr kultury Anatol Markievič.
Pavodle jaho, mienavita tamu minkultury sabrała «našych samych aŭtarytetnych supracoŭnikaŭ, rabotnikaŭ śfiery kultury, vynieśli pytańnie na abmierkavańnie».
Markievič ličyć, što samaje hałoŭnaje — vypracavać tyja miechanizmy, jakija dazvolać i ŭ karotkaterminovaj, i ŭ doŭhaterminovaj pierśpiektyvie vyrašać prablemy ŭ kadravym zabieśpiačeńni, jakija pastupova naśpieli.
«U nas jość šerah navučalnych ustanoŭ, jakija paśpiachova pracujuć, jość Instytut pavyšeńnia kvalifikacyi. Heta značyć, vielmi šmat tych struktur, jakija zaklikanyja ŭ svajoj dziejnaści, vykonvajučy svaje funkcyi, vyrašać nadzionnyja prablemy. Nakolki heta atrymlivajecca — treba surjozna abmierkavać i zrabić vysnovy», — dapoŭniŭ ministr, nie ŭdakładniajučy, čamu ŭ Biełarusi raptam vostra stała kadravaja prablema.
U saviet pa kultury pry Minkulcie ŭvachodziać «zasłužanyja dziejačy śfiery kultury Biełarusi, deputaty, rabotniki vykankamaŭ, kiraŭniki ŭstanoŭ kultury, hramadskich abjadnańniaŭ».
Paśla pratestaŭ 2020 hoda šmat tvorčych ludziej pakinuła krainu, mnohich niełajalnych «vyčyścili» prymusova, niekatoryja ŭstanovy, jak, naprykład, Kupałaŭski teatr, u kadravym sensie, byli praktyčna źniščanyja.
«U Kupałaŭskim ciapier pracujuć ludzi, jakija raniej kazali: navošta heta biełaruskaja mova?» Vialikaja hutarka z Paŭłam Charłančukom
Ministr kultury nazvaŭ siarednija zarobki ŭ svajoj śfiery. Ličba ŭražvaje
«Składana tolki sa słovami, jakija padobnyja da ruskich, i sačyć za Č i H». Što za rasijanie pracujuć ciapier u Kupałaŭskim?
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary