MZS Polščy vitała vyzvaleńnie Anžaliki Borys i nazvała vyzvaleńnie Pačobuta pryjarytetam
Ministerstva zamiežnych spraŭ Polščy vystupiła z zajavaj paśla vyzvaleńnia z-pad aryštu Anžaliki Borys.
Viedamstva zajaviła, što vitaje źniaćcie abvinavačvańniaŭ i spadziavajecca, što Borys zmoža ŭ chutkim časie naviedać Polšču.
«Infarmacyja pra źniaćcie abvinavačańniaŭ sa staršyni Sajuza palakaŭ Biełarusi — pieršaja za doŭhi čas pazityŭnaja navina ź Minska. Spadziavajemsia, što heta sihnał źmieny staŭleńnia ŭładaŭ u Minsku da palakaŭ u Biełarusi i hatoŭnaści da kanstruktyŭnaha dyjałohu pa dvuchbakovych pytańniach», — havorycca ŭ zajavie.
MZS Polščy dadaje, što niaźmienna vystupaje za vyzvaleńnie Andreja Pačobuta i źniaćcie ź jaho ŭsich abvinavačańniaŭ. «Hetaja sprava dla nas pryjarytetnaja», — havorycca ŭ zajavie.
Siońnia stała viadoma, što kiraŭnicu Sajuza palakaŭ Anžaliku Borys razam z maci vyklikali ŭ Minsk, dzie joj uručyli dakumient ab spynieńni spravy «ŭ suviazi z adsutnaściu składu złačynstva».
Polšča nie pakidaje sprobaŭ vyzvalić Pačobuta. «Kali Andrej Pačobut zaŭtra budzie vyzvaleny, paślazaŭtra budzie adkryty pierachod u Babroŭnikach», — skazaŭ ministr unutranych spraŭ i administracyi Polščy Maryjuš Kamiński.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš1
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary