Klintan vykazaŭ škadavańnie, što schiliŭ Kijeŭ da admovy ad jadziernaj zbroi
Kali b Ukraina vałodała siłami strymlivańnia, to rasijskaj śpiecapieracyi «atrymałasia b paźbiehnuć», ličyć eks-prezident ZŠA. Jon dadaŭ, što adčuvaje siabie «žachliva» praz toje, što ŭ 1994 hodzie ŭhavaryŭ Kijeŭ admovicca ad jadziernaj zbroi, piša RBK.
«Ja adčuvaju asabistuju adkaznaść, tamu što ja prymusiŭ ich [Ukrainu] pahadzicca admovicca ad svajoj jadziernaj zbroi. I nichto ź ich nie vieryć, što Rasija prakruciła b hety truk, kali b va Ukrainy ŭsio jašče była ich zbroja», — skazaŭ jon u intervju RTÉ, padkreśliŭšy, što «adčuvaje siabie žachliva praz heta».
U 1994 hodzie Klintan padpisaŭ trochbakovaje pahadnieńnie ź dziejnymi na toj momant prezidentami Rasii Barysam Jelcynym i Ukrainy Leanidam Kraŭčukom ab likvidacyi arsienała stratehičnaj jadziernaj zbroi na ŭkrainskaj terytoryi. Sa słoŭ Klintana, ukrainski bok «bajaŭsia admovicca ad jaje».
Eks-prezident ZŠA taksama zaklikaŭ Zachad praciahvać akazvać padtrymku Kijevu. Jon dapuściŭ, što nadydzie čas, kali ŭkrainski ŭrad vyrašyć, što jon moža padumać ab mirnym pahadnieńni, ale padkreśliŭ, što zachodnija krainy nie pavinny kidać Kijeŭ.
Servisu «Jandeks.Taksi» pahražajuć błakiroŭkaj: na ANT vyjšaŭ razhromny repartaž6
Kamientary