Žycharu Rahačoŭskaha rajona, jaki adbyvaje pakarańnie, vystavili novaje abvinavačvańnie pa dzieviaci artykułach
U Homielskim abłasnym sudzie pryznačanaja data razhladu novaj kryminalnaj spravy, zaviedzienaj suprać palitźniavolenaha žychara pasiołka Iljič Rahačoŭskaha rajona Andreja Ściepańkova, paviedamlaje «Viasna».
Sudovy praces pačniecca 26 krasavika i budzie prachodzić u zakrytym režymie. Spravu budzie razhladać sudździa Alaksandr Piskunoŭ.
Andreju Ściepańkovu vystavili novyja abvinavačańni i ich značna bolej čym było padčas pieršaha suda:
- č. 1 i č. 2 art. 367 — paklop u dačynieńni da Łukašenki;
- č. 3 art. 203-1 — niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych;
- č. 1 art. 342 — arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich;
- č. 3 art. 361 — zakliki da mier abmiežavalnaha charaktaru, inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś;
- art. 188 — paklop;
- art. 369-1 — dyskredytacyja Respubliki Biełaruś;
- art. 369 — abraza pradstaŭnika ŭłady;
- č. 1 art.130 — raspalvańnie inšaj sacyjalnaj varožaści;
- č. 1 art. 368 — abraza Łukašenki.
Andrej Ściepańkoŭ byŭ zatrymany 16 vieraśnia 2021 pavodle art. 369 KK (abraza pradstaŭnika ŭłady), art. 391 KK (abraza sudździ ci narodnaha zasiadaciela) i č. 1 art. 368 KK (abraza Alaksandra Łukašenki) i źmieščany ŭ SIZA-3 h. Homiela.
1 vieraśnia 2022 h. adbyŭsia razhlad spravy: palitviazień byŭ pryznany vinavatym i asudžany da 2 hadoŭ i 6 miesiacaŭ źniavoleńnia ŭ kałonii ahulnaha režymu. Sproba abskardzić prysud u Homielskim abłasnym sudzie nie pryniesła plonu.
9 listapada Andreja etapavali ŭ škłoŭskuju PK №17.
Pačynajuć sudzić vykładčyka Dźmitryja Jurtajeva. Jaho prymušali na kamieru čytać vieršy
Za administravańnie čata minčuku dali hady niavoli
Pravaabaroncy paviedamlajuć pra rejdy siłavikoŭ i zatrymańni ŭ Pinsku i Pružanach
Kamientary