Жыхару Рагачоўскага раёна, які адбывае пакаранне, выставілі новае абвінавачванне па дзевяці артыкулах
У Гомельскім абласным судзе прызначаная дата разгляду новай крымінальнай справы, заведзенай супраць палітзняволенага жыхара пасёлка Ільіч Рагачоўскага раёна Андрэя Сцепанькова, паведамляе «Вясна».
Судовы працэс пачнецца 26 красавіка і будзе праходзіць у закрытым рэжыме. Справу будзе разглядаць суддзя Аляксандр Піскуноў.
Андрэю Сцепанькову выставілі новыя абвінавачанні і іх значна болей чым было падчас першага суда:
- ч. 1 і ч. 2 арт. 367 — паклёп у дачыненні да Лукашэнкі;
- ч. 3 арт. 203-1 — незаконныя дзеянні ў дачыненні да інфармацыі аб прыватным жыцці і персанальных даных;
- ч. 1 арт. 342 — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;
- ч. 3 арт. 361 — заклікі да мер абмежавальнага характару, іншых дзеянняў, накіраваных на прычыненне шкоды нацыянальнай бяспецы Рэспублікі Беларусь;
- арт. 188 — паклёп;
- арт. 369-1 — дыскрэдытацыя Рэспублікі Беларусь;
- арт. 369 — абраза прадстаўніка ўлады;
- ч. 1 арт.130 — распальванне іншай сацыяльнай варожасці;
- ч. 1 арт. 368 — абраза Лукашэнкі.
Андрэй Сцепанькоў быў затрыманы 16 верасня 2021 паводле арт. 369 КК (абраза прадстаўніка ўлады), арт. 391 КК (абраза суддзі ці народнага засядацеля) і ч. 1 арт. 368 КК (абраза Аляксандра Лукашэнкі) і змешчаны ў СІЗА-3 г. Гомеля.
1 верасня 2022 г. адбыўся разгляд справы: палітвязень быў прызнаны вінаватым і асуджаны да 2 гадоў і 6 месяцаў зняволення ў калоніі агульнага рэжыму. Спроба абскардзіць прысуд у Гомельскім абласным судзе не прынесла плёну.
9 лістапада Андрэя этапавалі ў шклоўскую ПК №17.
Пачынаюць судзіць выкладчыка Дзмітрыя Юртаева. Яго прымушалі на камеру чытаць вершы
За адміністраванне чата мінчуку далі гады няволі
Праваабаронцы паведамляюць пра рэйды сілавікоў і затрыманні ў Пінску і Пружанах
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары