Kubrakoŭ adkryŭ kramu tavaraŭ, stvoranych rabskaj pracaj źniavolenych, i pachvaliŭsia «ŭnikalnaj» kanistraj
Ministr unutranych spraŭ Ivan Kubrakoŭ 20 krasavika asabista adkryŭ kala vioski Rabinaŭka ŭ Dziaržynskim rajonie šou-rum kramy pradpryjemstvaŭ Departamienta vykanańnia pakarańniaŭ (DVP). Tavary, jakija pradajucca ŭ hetaj kramie, stvoranyja pracaj źniavolenych, u tym liku i palityčnych, jakim za pracu płaciać ździeklivyja kapiejki.
U handlovym abjekcie pradstaŭlenyja kala 500 najmieńniaŭ tavaraŭ: mebla, kuchni z masivu «ŭ stylach łoft, kantry, rustyk i skandynaŭskim», sadovaja kavanaja i draŭlanaja mebla, manhały, altanki, budaŭničyja materyjały, haspadarčyja tavary, miedycynskaje i śpiecyjalnaje adzieńnie, adzieńnie dla palavańnia i rybałki, tekstyl, abutak.
Siarod usich tavaraŭ, stvoranych rabskaj pracaj źniavolenych, Ivan Kubrakoŭ adznačyŭ 20-litrovuju kanistru dla paliva. Jon padkreśliŭ, što heta «adziny padobny ŭzor na ŭsioj postsavieckaj prastory».
Kubrakoŭ taksama raskazaŭ, što pradpryjemstvy DVP hatovyja vypuskać i suvienirnuju pradukcyju:
«Usie chočuć bačyć simvoliku Biełarusi. Majki z vasilkami, kałasami zapatrabavanyja — šmatlikija turysty heta kuplajuć. Asabliva pradajecca ŭ Bresckaj krepaści, kudy my taksama zavozim suvieniry».
U płanach — adkryćcio padobnych kram pa ŭsioj Biełarusi.
«Kali vy zajšli siudy, to vy znaŭca jakaści i kamfortu». MUS adkryŭ kramu, u jakoj pradajucca rečy, stvoranyja ŭ kałonijach
«Atrymała zarobak — 6,66 rubla za miesiac». Jakija ŭmovy ŭ kałonijach, dzie siadziać palitviaźni
«Dla kaho ty tut maluješsia?» — «Dla siabie». Byłaja palitźniavolenaja Volha Kłaskoŭskaja raskazała, jak heta —žančynie sačyć za saboj u katoŭniach
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak17
Kamientary