Iłan Mask paabiacaŭ paznačać u Twitter usich, u tym liku siabie, chto budzie raspaŭsiudžvać chłuśniu na płatformie
Pry hetym dakładnych kryteryjaŭ dla vyznačeńnia praŭdy i chłuśni miljarder nie abaznačyŭ.
Miljarder i ŭładalnik Twitter Iłan Mask 27 krasavika napisaŭ u svaim akaŭncie, što budzie davać śpiecyjalnuju paznaku ŭsim, chto budzie raspaŭsiudžvać iłžyvuju infarmacyju na płatformie.
U śpis patencyjnych chłusoŭ jon u tym liku ŭklučyŭ žurnalistaŭ, rekłamadaŭcaŭ, lidaraŭ krain i navat samoha siabie.
Takim čynam Mask vyrašyŭ adreahavać na krytyku adnaho z žurnalistaŭ u adras viadomaha zvolnienaha televiadučaha Takiera Karłsana, jaki zajmaŭsia prasoŭvańniem rasijskaj prapahandy i fejkaŭ.
«Luby, chto robić iłžyvyja zajavy ŭ Twitter, budzie śpiecyjalna paznačany supolnaściu. Budź heta ja, vy, rekłamadaŭcy, Takier, dy choć sam kiraŭnik dziaržavy. Nijakich vyklučeńniaŭ», — napisaŭ miljarder, kamientujučy krytyku adnaho z žurnalistaŭ u adras Takiera Karłsana.
Pry hetym Mask nie abaznačyŭ dakładnych kryteryjaŭ abo pryncypaŭ, pa jakich jon ci jaho płatforma buduć vyrašać, što budzie praŭdaj, a što chłuśnioj.
Razam z tym u sacsietcy było zaŭvažana inšaje: naprykład, źniaćcie abmiežavańniaŭ z tvitar-akaŭntaŭ rasijskich uładaŭ i prapahandystaŭ, a taksama źnižeńnie rejtynhaŭ lubych publikacyj pra vajnu va Ukrainie.
Aproč hetaha, u šmatlikich viadomych asob i niezaležnych ŚMI, u tym liku i ŭ «Našaj Nivy», źnikli sinija vieryfikacyjnyja ptuški, a ŭ profilach pamierłych ludziej, naadvarot, raptam źjavilisia.
Sacsietka Twitter stała ŭraźlivaj dla rasijskich trolaŭ paśla reformaŭ Iłana Maska
99% rasijskich fejkavych akaŭntaŭ sacsietki pakidajuć niekranutymi — sakretnyja dakumienty ZŠA
Iłan Mask źbiraje kamandu dla zapusku novaha startapa pa stvareńni prasunutych sistem štučnaha intelektu. Pry hetym zusim niadaŭna jon publična vystupaŭ suprać padobnaha
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ3
Kamientary