Zialenski: Ukraina ni de-fakta, ni de-jure nie pryznaje Danbas rasijskim
«Vy viedajecie, što heta adno z klučavych pytańniaŭ. Pakul što ŭ nas niama kansensusu», — skazaŭ prezident Ukrainy.
Prezident Ukrainy Uładzimir Zialenski zajaviŭ, što Ukraina nie budzie pryznavać Danbas rasijskim ni de-fakta, ni de-jure. Pra heta jon zajaviŭ padčas razmovy z ukrainskimi ŚMI, piša «Ukrainskaja praŭda».
«Što da pazicyi rasijan, pakul jana nie źmianiłasia. Vy viedajecie, što jany chočuć naš Danbas. Naša pazicyja praktyčnaja, realnaja, spraviadlivaja — my na joj staim, i my nie chočam addavać naš Danbas. Amierykancy chočuć znajści kampramis, jany prapanujuć svabodnuju ekanamičnuju zonu. Ja jašče raz padkreślivaju: volnaja ekanamičnaja zona — heta nie aznačaje, što jana budzie pad kiravańniem Rasijskaj Fiederacyi».
Zialenski padkreśliŭ, što pytańnie terytoryj abmiarkoŭvajecca, adnak Ukraina nie budzie pryznavać časova akupavanuju častku Danbasu rasijskaj.
«Ni de-jure, ni de-fakta my nie budziem pryznavać Danbas rasijskim — tuju jaho častku, jakaja časova akupavanaja. Ale pry hetym my budziem abmiarkoŭvać pytańnie terytoryj. Vy viedajecie, što heta adno z klučavych pytańniaŭ. Pakul što ŭ nas niama kansensusu».
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary